UzPoster
18 декабр 2018

Андижонлик пистачи «табиб»ни ютуберлар фирибгар дея қоралашди

Ўзини тармоқда «табиби мутлақ Ҳасан домла» дея танитиб,  минглаб касалларни фақат асал ва писта билан даволашга уринаётган, ўзида Исо пайғамбарга берилган хислат борлигини даъво қилаётган шаҳрихонлик Ҳасан Исмоилов ижтимоий тармоқ блогерлари маломатига қолди.

Ютубер Шуҳрат Мусаев табибни ёлғончи, унинг видеоларига Ҳасан Исмоилов билдирган жавоблар «туфта» эканини билдирди.

«Ўзбекистонда бормаган «жинкашим» қолмаган. Ҳаммаси апирис… Кейин асалингизга нима қўшиб берасиз сотаётганингизда, саволга жавоб бера оласизми? Фокус-мокус, абракадабра-швабра – керакмас унақа нарса…», дейди Мусаев ўз чиқишида.

Мусаевнинг шакар қиёмини «асал» деб сотаётган «домла»нинг ғирром бизнеси ҳақидаги фикрини давом эттириб, Искандар Македонский ники остида танилган бошқа блогер ҳам уни очиқчасига «шарлатан», унга борган беморларни эса ҳақиқатан «ақлдан камчилиги борлар», деб атайди.

«Қўлларини мундоғ «шаолин» қилиб касалларни даволаётган табибнинг гапларига қулоқ солинг-да, «Миядан белга беради», «Миядан кўтга беради», «…га беради»… Бир аёл эътироз билдирди, «Жигарчи?», «Жигар нормально», «Ахир менинг жигарим…» деб қўллари билан кўрсатяпти, у бўлса яна, «Сиз индамангда, айтдим-ку миядан белга беради, буйракка беради», деб гапни обқочяпти», дейди Македонский.

Ҳасан Исмоилов ўз ҳаракатларига таъриф бераркан, буни Исо пайғамбарга берилган хислат, дейди:

«Худди бизга ўхшаб силаш ёки масҳ дейди-да буни. Бу хислат яна 12 та авлиёга берилган эди», дея қўшимча қилиб Исмоилов.

Ҳасан Исмоиловнинг юзма-юз мулоқотга чиқишини сўраган сурхондарёлик блогер Рустам Раҳмонов эса 17 декабрь кунги чиқишида «табиби мутлақ»нинг илгари диний экстремизм моддаси бўйича қамалиб чиққанига эътибор қаратади.

Блогерларнинг бу каби танқидларга жавобан Ҳасан домла ҳам ўз чиқишлари орқали «жавоб» қайтариб, уларни «каззоблар», «шаръий ҳукмларга қарши борганлар», дея атайди.

Яна бир чиқишида эса уни танқид қилган Мусаевнинг соқолини эчкиникига ўхшатади.

«Эчкида ҳам соқол бор, лекин эчки соқолига сияди», дея жавоб қайтаради шаҳрихонлик Ҳасан Исмоилов ўз танқидчиси Мусаевга.

Бошқа блогер Македонский эса ўз «жавоби»да «асал домланинг касали»га Мусаевнинг соқоли қанчалик дахлдорлигини тушунмаслигини айтади.

Eltuz.com

Тағин ўқинг
7 май 2018
Европанинг энг ривожланган давлатлари, жумладан, Германия, Осиёда эса Япония атом электр станциялари ўрнига қайта тикланадиган муқобил энергетикага ўтиш қатъиятини ...
5 октябр 2018
«Уларнинг гимн билан шуғуланмоқдан бошқа иши йўқ деб ўйлаганмидинг? Эртага ҳам мени бу ерга етаклаб келадиган бўлсанг, бугунгидан беш ...
10 май 2018
Бу йилги 9 май Ўзбекистонда кўп йиллардан буён собиқ шўролар рамзларига, бугунги Россияда урфга кирган тимсолларга энг бой тарзда ...
13 май 2016
Кино кўришни севаман. Айниқса фантастик трагикомедия жанридаги киноларни. Кеча Роман Артемьев суратга олган “Человек из будущего” деган кинони кўрдим. ...
Блоглар
18 январ 2019
Ўзбек матбуоти Бухоро вилоятининг Олот тумани ҳокими Шерали Саломов йиғилишда фермер Ориф Дурматовни калтаклагани ва ...
16 январ 2019
Лондондаги Шарқ ва Африка тадқиқотлари институти таҳлилчиси Алишер Илҳомов фейсбук саҳифасида Президент Шавкат Мирзиёевнинг Ўзбекистон ...
15 январ 2019
Ўзбекистонда Ватан ҳимоячилари куни нишонланди… бу эса болалар боғчасида олинган сурат… Нимага болаларга армия формасини ...