UzPoster
21 январ 2019

Елена Урлаева туғилган кунини Бош прокуратура олдида пикет билан нишонлади

Ўзбекистонлик ҳуқуқ фаоли Елена Урлаева 21 январь куни ўзининг 62 ёшга тўлган кунини Ўзбекистон Бош прокуратураси биноси олдида ҳокимларнинг зўравонлигига қарши пикет билан нишонлади.

У кўтарган плакатда «Ғанишер Бойбўсиновни калтаклаган» Сирдарё вилояти ҳокими Ғафуржон Мирзаев ва Оқолтин тумани ҳокими Дилмурод Фозилов, «фермер Ориф Дурметовни калтаклаган» Олот тумани ҳокими Шерали Саломовни жавобгарликка тортиш, шунингдек, «дўконларни бузаётган» Шўрчи тумани ҳокими Ботир Алимов ҳаракатларига чек қўйиш талаблари ёзилган эди.

Ҳуқуқ фаоли тарқатган хабарга кўра, шу куни Бош прокуратура мулозими Азимов у билан учрашган ва талаблар ёзилган шиорни қабул қилиб олган. Бош прокурор қабулига кира олмаган аризагўйларнинг масаласи бўйича ҳам ёрдам беришни ваъда қилган.

Урлаевага кўра, шу куни унинг туғилган куни эканини билган прокуратура мулозими уни табриклаб, «туғилган кунига қандай совға» исташини сўраган.

Елена Урлаева прокуратурадан унга энг яхши совға – кўтарган плакатида кўрсатилган барча талабларнинг бажарилиши, шунингдек, «Ўзбекистондаги Конституцион тузумни ағдариш каби ёлғон айбловлар» билан 14 йилга қамоққа ташланган маҳкум Ҳошим Жабборовнинг ҳаётини сақлаб қолиш бўлиши мумкинлигини билдирган.

«Прокурор шундай совғага рози бўлди», дея билдирди Ўзбекистон ҳуқуқ ҳимоячилари альянсининг 21 январь кунги хабарида.

Eltuz.com

Тағин ўқинг
22 декабр 2016
«Ҳуррият» газетасида (21.12) босма нашрлар ҳақида чоп этилган мақола сарлавҳасини ўқиб, унда долзарб масала кўтарилган экан, деб ўйлашингиз мумкин. ...
16 март 2016
“XXI аср” газетаси Ўзбекистон либерал-демократик партияси –ЎзЛиДеПнинг 2015 йилги бюджети ижроси ва 2016 йилги бюджетнинг асосий кўрсаткичлари тўғрисидаги ахборотни ...
3 август 2021
Cамарқанднинг Ургут тумани Ғўс қишлоғида 21 июль куни бошланган норозилик ғалаёни 4 кун давом этди, автоматлар билан қуролланган кучишлатар ...
2 январ 2019
Ўзбекистонда 2019 йилнинг 1 апрелидан  Вазирлар Маҳкамасининг 847-сонли қарори билан мобил гўшакларини рўйхатга олиш бошланади. Қарорга кўра, рўйхатга киритилмаган телефонларни ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...