Вақт машинаси
11 апрел 2018

11 апрель – Beatles гуруҳи «From Me to You» қўшиғини тақдим қилди

«From Me to You» (Мендан сенга) — Леннон ва Маккартни дуэти ижро қилган зариф бир қўшиқдир.

Айтилишича, бу қўшиқ 1963 йилнинг 28 февралида Шрусбери йўлида кетаëтган автобус ичида ëзилган. The Beatles гуруҳи қўшиқчи Элен Шапиро билан гастролга кетишаëтган пайтда Леннон ва Маккартни вақтни ўлдириш ва эрмак учун бу қўшиқни басталашди. Қўшиқдаги “мен ва сен” калималари ўша давр учун бокира бўлган инсоннинг инсонга яқин муносабати ва самимийлик изҳори эди.

Алал-оқибат бу қўшиқ The Beatles гуруҳига шараф келтирган тароналардан бирига айланди.

The Beatles нинг бу қўшиғи “битломания” деб номланган йўналишни пайдо қилган омил сифатида кўрилади.

The Beatles гуруҳининг «From Me to You» қўшиғи Совет Иттифоқини ўраган темир деворни ëриб ўтиб, эрксеварларнинг доимий хиргойисига айланган эди.

Ўтган асрнинг етмишинчи йилларида тоғамнинг ўғли Хушнуд магнитофон лентасига ëзилган «From Me to You» қўшиғини қайта-қайта эшитгани эсимда.

Хушнуд мен учратган илк битломан эди. Иккинчи битломан эса Москвада рассомликка ўқиган Давронбек Йўлдошев эди.

The Beatles гуруҳи уларнинг яшаш тарзини ўзгартирган ва бошқача фикрлашга ундаган омил эди.

The Beatles қўшиқчиларини «битллар» деб аташади, шунингдек, уларни Fab Four (ингл.) деб ҳам аташди.

Жон Леннон, Пол Маккартни, Жорж Ҳаррисон, Ринго Старр иштирокидаги бу гуруҳ Британиянинг Ливерпуль шаҳрида 1960 йилда ташкил топган эди.

Шунингдек, айрим вақтларда гуруҳ таркибида Пит Бест, Стюарт Сатклифф ва Жимми Никол иштирок этишарди. The Beatles нинг аксарият композициялари Жон Леннон ва Пол Маккартни ҳаммуаллифлигида яратилган ва улар номидан чоп этилган.

Америкада 1950 йилларда ривожланиб бошлаган рок-н-ролл мусиқа йўналишига тақлид қилиб, The Beatles гуруҳи ўзларининг шахсий адабий услублари ва ижроларига эга бўлишди.

The Beatles гуруҳи рок-мусиқа йўналишида жуда катта аҳамиятга эга таъсир кўрсата олишди ва бу кўплаб мутахассислар томонидан тан олиниб, XX асрдаги ижодий ҳамда тижорий томондан ҳам омадли гуруҳлардан бири сифатида эътироф этилиб келинади.

Кўпчилик рок-мусиқачилар Beatles гуруҳининг мусиқаси таъсирида машҳур бўлганини эътироф қилишади.

Тўртлик Британия гуруҳлари ичида биринчи бўлиб ўз пластинкаси билан АҚШдаги чартларда машҳурлик ва биринчи ўринни эгаллади, ушбу пластинкадан бошлаб Британиялик жамоаларини, шунингдек «ливерпуллик» (Merseybeat) рок-мусиқаси жарангининг халқаро тан олиниши бошланди.

The Beatles гуруҳи жамоаси биргаликдаги ижодини 1970 йилга келиб тўхтатди, лекин Пол ва Жон аллақачон 1967 йилдан бошлаб шоу-бизнес оламида ўзларининг шахсий лойиҳаларини жорий қилиб бўлган эдилар.

Гуруҳ парчаланганидан кейин ҳар бир мусиқачи ўзининг якка хонандалигини давом эттирди.

1980 йилда ўз уйининг олдида Жон Леннон ўлим топди, 2001 йилда эса Жорж Ҳаррисон саратон касаллигидан вафот этди.

Пол Маккартни ва Ринго Старр ҳануз ижод билан банд.

Қудрат Бобожон
Eltuz.com

Тағин ўқинг
22 март 2016
Наврўз байрами муносабати билан қўшимча техника ва ҳарбийлар келтирилган Ўзбекистоннинг Қирғизистон чегарасида “сиëсий ҳарорат” туша бошлагани кузатилди. Томонлар Кербен-Ола ...
31 август 2016
1995 йилнинг 26 июнидан бери Ўзбекистон МХХ раиси лавозимини эгаллаб келаётган 72 яшар Рустам Иноятов Каримов ўртадан кетиши билан ...
16 январ 2017
Мирзиёевнинг тадбиркорлик ривожи ҳақидаги оташин сўзларига қарамай Ўзбекистонда кичик бизнес назорат идоралари босими остида танг аҳволда қолмоқда. Шавкат Мирзиёевнинг ...
3 октябр 2016
Ўзбекистон телеканаллари сентябрь ойини йиғи-сиғи билан бошлаб, байрамона кайфиятда тугатди. Президент Ислом Каримовнинг вафоти муносабати билан совет даврига хос ...
Блоглар
12 феврал 2019
Алишер Навоийнинг навбатдаги юбилейини эсон-омон ўтказиб олдик. У аллақачон ўзбек миллатининг, ўзбек тарихи ва маданиятининг ...
10 феврал 2019
Ўзбек жамиятидаги муҳофазакор қатламнинг турк сериалларига қарши «жиҳоди»нинг ажабланадиган жойи йўқ. Аслида бу масаланинг илдизи ...
5 феврал 2019
Бир вақтлар қадимий Рим салтанатининг тарғибот-ташвиқотчилари сифатида воизлар ва файласуфлар империянинг равнақ топишида катта ҳисса ...