Сас
20 апрел 2017

Анвар Назир: “Кирилга қайтмаймиз, қозоқларни қўллаб қувватлаймиз!”

Ўзбекистонлик таҳлилчи Анвар Назирнинг Элтуз мухбирига билдиришича, яқинда Тошкентда ҳокимият даражасида ўтган комиссия йиғилишида кирилга қайтмаслик, лотин алифбосини сақлаб қолишга расмий қарор берилган.

“Мен фурсатдан фойдаланиб сизга янгиликни айтмоқчиман, лотин алифбоси сақлаб қолинадиган бўлди. Каримов ўлганидан сўнг бир гуруҳ ашаддий кирил имлоси тарафдорлари лотинга ўтиш жараёнини тўхтатишга бел боғлашган эди. Бу масала узил-кесил ҳал бўлди, лотин алифбоси ислоҳ қилинади ва камчиликлари тўлдирилиб Ўзбекистон бу имлога тўлиқ ўтади”, деди Анвар Назир.

У ўз интервьюсида, ҳокимият доираларида, шунингдек интернетдаги форумлар ва тармоқларда, Каримов ўлганидан кейин, лотин имлоси мухолифлари бирдан бош кўтариб қолишганини айтади.

Лотин алифбосига Ўзбекистон бундан 25 йил бурун ўта бошлаганига қарамай, жараён чўзилиб, ички қаршиликларга кўп дуч келгани, фақат яқинда бўлиб ўтган ҳукумат комиссияси бунга узил-кесил нуқта қўйганини айтади у Элтуз мухбирига берган интервьюсида.

“Бу янгилик ҳақида ҳали ҳеч қаерда билдирилмаган, лекин эртами кеч бу расман маълум қилинади” деди у.

Унинг фикрича, Марказий осиёдаги туркий халқларни шарқий славян тилларига мансуб кирил имлосига ўтказиш зўровонлик билан амалга оширилган ва бу халқларни бири биридан ажратишга хизмат қилган.

“Ҳозир комиссия томонидан ўзбек лотин алифбосига киритиладиган ўзгаришлар юзасидан таклифларни ишлаб чиқишган. Қозоғистоннинг ҳам шу алифбога ўтиши айни муддао бўлди, бу туркий давлатлар ўртасидаги интеграцияни кучайтиради”, деди таҳлилчи Анвар Назир Элтуз мухбирига берган интервьюсида.

Eltuz.com

Тағин ўқинг
8 март 2019
​​Жаллод деганда бошига қоп кийдирилиб, кундага қўйилган каллани ойболта билан чопадиган бақувват одамни тушунишади одатда. Лекин аслида вазият бироз ...
11 декабр 2018
Тошкентда 10 декабрь куни “Ижтимоий медиа маҳсулотлари” тадбирида “Би-Би-Си” ўзбек хизмати “Ўзбекистон дўстлари” дипломи билан мукофотланди. Тадбирда диплом ва ...
15 декабр 2016
Ғарб давлатлари бошлаган 850 миллион доллар коррупция ишининг асосий фигурантларидан бири саналган Абдулла Орипов 14 декабр куни Бош вазир ...
13 май 2017
ТошДУнинг журфагида биз 1988-1993 йилларда ўқидик. Раҳматли домламиз профессор Очил Тоғаев публицистикадан дарс берардилар. Домлага нисбатан кўпчилик талабаларнинг ҳурмати ...
Блоглар
7 апрел 2020
Коронавирус шароитида кўрпанинг қатидаги пуллар аста харж бўляпти. Камбағал уч-тўрт сўм пулини тахмонга йиғилган янги ...
6 апрел 2020
Карантин боис уйда ўтирган ўзбек шоири ва мухолифат лидери Муҳаммад Солиҳ эндиликда китоб ўқишга ва ...
30 март 2020
Туман марказига бориб келдим. Ишим бор эди. Қалампир ва помидор кўчатлар сотяпти экан. “Помидор кўчати ...