Асосий мавзулар
6 август 2019

Жаслиқ қамоқхонаси бузилмайди, тергов ҳибсхонасига айлантирилади

Президент Мирзиёев қарори билан 3 август куни Ўзбекистондаги машъум Жаслиқ қамоқхонаси ёпилди. Айни қарорда қамоқхона бинолари ва мулклари Қорақалпоғистон Республикаси ИИВ 2-тергов ҳибсхонасига берилиши билдирилди.

Жаслиқ қамоқхонасининг собиқ маҳкуми, айни пайтда ҳуқуқ фаоли, 67 яшар Аъзам Турғунов “Элтуз”га берган интервьюсида аслида Жаслиқ қамоғи тўлиқ тугатилмагани, қийноқлар ва ноҳақ ҳибсга олишлар тўхтамаганини айтади:

“Ўша Жаслиқни тугатди, деб хурсанд бўлаётган одамлар кўп нарсаларни назардан қочиряпти. Қаранг, тугатилди деб айтиляпти, лекин уни Қорақалпоғистон ички ишлар юрисдикциясига беряпти. 2-тергов ҳибсхонаси қилинади, деяпти. Асосий қийноқлар, айбни бўйнига қўйиш аслида тергов изоляторида рўй беради-ку. Энди, менинг қўрқаётганим, буни тергов изолятори қилади-да, Тошкентда қилиниши керак бўлган терговни ўша ёққа олиб кетади. У ерга ким бора олади? Кимни боргиси келади у ёққа? Тошкентдан 2000 километр жойга…”.

Жаслиқ тўлиқ тугатилиб, биноларини тадбиркорларга бериш маъқул эди, дейди Аъзам Турғунов:

“Ақлли одам учун бу тайёр бино. Ўша ернинг халқи Қўнғирот учун миллион-миллионга тортадиган қанча нарса ишлаб чиқарса бўлади у ерда. Тугатилди дедими, тугатиш керак. Бу дегани қайта ташкил қилиш керак, дегани эмас-ку”.

Бугун Швейцарияда яшаётган, жияни ва ўғиллари қамоқда қолаётган 73 яшар Аҳмаджон Мадумаров Жаслиқ қамоқхонасининг тугатилишидан хурсандлигини айтади.

“Ушбу қамоқхонанинг ёпилишини Ўзбекистон президенти олиб бораётган катта бир ўзгариш, деб биламан. Бу қамоқхонада узоқ вақт менинг жияним Абдулаҳад сақланган. Мирзиёев иқтидорга келгач, у манзил колонияга чиқарилди. Бу қамоқхонада инсоният ҳеч бир кўтара олмайдиган зулмларни ўйлаб топишган эди”, дейди Мадумаров “Элтуз”га берган интервьюсида.

Давлатни ағдаришда айбланган, жияни Жаслиққа ташланган ва яна икки ўғли қамалган Мадумаров бу қамоқхона тарихий музейга айлантирилиши керак, дея ҳисоблайди.

“Бу қамоқхона Ўзбекистон халқига жуда кўп зулмлар келтирган. У ерда қамоқда ўтириб чиққан Аъзам Турғунов, Аъзам Фармонов, бир қанча журналистлар ва асосан диндорлар жуда кўп зулм кўришган. Шунинг учун бу қамоқхона музейга айлантирилганида эди, яхши бўларди. Ислом Каримовнинг ўзбек халқига кўрсатган зулми ошкор бўлган бўлар эди”.

Шунингдек, Мадумаров айни қамоқхонада қийноқларни амалга оширган шахсларга қарши тергов суриштируви бошланиши кераклигини таъкидлади.

“Яъни нафақат шу ерда ишлаганлар, балки бошқа колонияларда ишлаб одамларга зулм ўтказганлар устидан албатта жиноят иши қўзғатилиши керак. Шодиевнинг ўзи кўрсатма бериб, қамоқхоналарда репрессиялар ўтказарди. Қамоқхоналарда биринчи муовин СНБдан қўйилган бўлар эди ва у хоҳлаган ишини қилар эди…”.

Жаслиқнинг собиқ тутқуни Аъзам Турғунов ҳам айни машъум қийноқларни эслайди ва бу амалиётлар ҳамон давом этаётганини айтади.

“Лекин асосий гап ўша биз айтаётган нарса – ноҳақ қамалганларнинг ишини қайта кўриб чиқиш. Мана, бугун Кубатиннинг судидан келдик. Яна ортга қолдиришди. Олим одам. Кубатин, Акром Малик, Рустам Абдуманнопов… Жуда кўп ноҳақ қамалганлар. Махсус комиссия тузиш керак-да. Бизга ўхшаган бир-иккита мухолифатчиниям ўшанга қўшиворса, яхши иш бўларди. Қийноқлар йўқ деб ҳозир айтишяпти. Яқин-яқинларгача Акмал Саидов ҳам, Светлана Ортиқова ҳам, Сайёра Рашидова ҳам Ўзбекистонда қийноқлар йўқ, деб келишди. Охир-оқибат президентни ўзи тан олди-ю, ҳалиям бор қийноқлар”, деди ҳуқуқ фаоли “Элтуз” нашрига берган интервьюсида.

Eltuz.com

Тағин ўқинг
25 июл 2016
Биринчи видик расмини кўрганимда физика математикага мослашган мактабнинг иккинчи синфида ўқирдим. “Радио” деган журналнинг 1967 йилги иккинчи сонини хозир ...
30 ноябр 2016
Бир гуруҳ ўзбек фаоллари Телекоммуникация секторидаги коррупцион схемалар ёрдамида тўпланган активларнинг мусодара қилиниши ва коррупция жабрдийдаларига қайтарилиши лозимлиги ҳақида ...
3 май 2017
Каримов даврида шаҳар чеккасига чиқариб ташланган Шомаҳмудовлар ҳайкали яна марказга қайтарилмоқда. “Санъат асари ўлароқ мен бу ҳайкал мажмуасини ҳеч ...
13 ноябр 2017
Қозоғистоннинг Сайрам туманида яшовчи 34 ёшли Хайрулла Норметов “ўрис динига кириб кетгани учун” хотинининг қорнига пичоқ тиққанини иддао қилиб, ...
Блоглар
14 август 2019
Ўзбекистон Давлат хавфсизлик хизмати раиси Абдусалом Азизовнинг Покистонга ташрифи ва “Толибон” ҳаракати вакилларининг Тошкентга сафари ...
13 август 2019
Таниқли жаноб Алламжонов раҳбарлик қиладиган Ўзбекистон Президенти маъмурияти ҳузуридги Ахборот ва оммавий коммуникациялар агентлиги тағин ...
1 август 2019
Ўзбекистон ҳам шармандали равишда уйғур қардошларимизга бўлаётган Хитой ҳукумати зулмини қўллаб чиққан 50 та давлат ...