Асосий мавзулар
9 ноябр 2021

Ўзбекистон ҳукумати хорижлик журналистларни тақиқлаб, ўз обрўсини йўқотмоқда

Ўзбекистон президенти Шавкат Мирзиёев иккинчи муддатга қасамёд қилганидан бир кун ўтиб, матбуот эркинлигини ҳимоя қилишга ваъдалари ортидан ҳукумат хорижлик журналист фаолиятини тақиқлади.

7 ноябрь куни чегарачилар польшалик журналист Агнешка Пикулицкаянинг Ўзбекистонга киришини тақиқлашди. Шу куни тунда Ўзбекистонга киришга ҳуқуқи йўқлигини айтиб уни Қозоғистон чегарасида қолдиришган.

“Журналистикада мен ҳар доим адолатли ва холис бўлишга ҳаракат қиламан. Инсон ҳуқуқлари ва адолатсизлик ҳақидаги хабарларим мени шундай кўргиликларга етаклайди, деб ҳеч ўйламагандим”, деди у Eurasianet нашрига берган интервьюсида.

Пикулицкая Ўзбекистонда 30 кун визасиз қолиш талаби туфайли «кирди-чиқди» амалини бажариш учун чегарани кесиб ўтган. У аввалроқ мамлакатни тарк этган ва кейин дарҳол янги визасиз режимни бошлаш учун қайта киришга ҳаракат қилган, аммо бу сафар унга киришга рухсат берилмаган.

Афтидан ўзбек расмийлари «ёмон матбуот»ни мамлакатга киритмаслик учун президент сайлови тугашини кутишган, дея ёзади Eurasianet нашри.

«Сўнгги уч йил давомида мен Ўзбекистонда яшадим ва бу юрт менинг ўз уйимга айланди. Ҳеч бўлмаганда нарсаларим, кийим-кечакларимни йиғиштириб олишимга рухсат беришмагани жуда аламли ва адолатсиздир», деди журналист ўз интервьюсида.

У твиттерда Тошкентдан учишга 9-ноябрда рухсат этишлари ҳақида ёзган эди.

Пикулицкая учун амалдорлар билан бундай тўқнашув илк бор юз бераётгани йўқ. «Элтуз» жорий йилнинг февралида ёзганидек, ўзбек расмийлари унинг журналистик аккредитациясини узайтиришни рад этишган. Кейинчалик эса уни мамлакатнинг ички ишларига аралашиш, “фуқаролар шаъни ва қадр-қимматини камситиш”, “миллий ва диний адоватни тарғиб қилиш”да айблашган эди.

Пикулицкаянинг ўзи буни Ўзбекистондаги нозик масала бўлган ЛГБТга мансуб шахслар ҳақидаги репортажи учун қасд олиш, дея ҳисоблашини айтади.

Мустақил сиёсий таҳлилчи Алишер Илҳомов фейсбукдаги саҳифасида воқеа юзасидан муносабат билдирди:

«Бу воқеа Ўзбекистон расмийларининг журналистлар, блогерлар ва фаолларга, шунингдек, панада қолишга мажбур бўлаётганларга муносабати ҳақида ўзимизни алдамаслик кераклигининг яна бир тасдиғидир.

Ўзбекистон расмийлари зарарсизлантиришга муваффақ бўлган, мамлакатдаги коррупция ва инсон ҳуқуқлари бузилиши танқидчиларини ёки режим билан ҳамкорлик қилишга, у билан парда ортидаги келишувларга рози бўлганларнигина тан олади», дея ёзди Илҳомов.

Eltuz.com

Тағин ўқинг
30 октябр 2018
«Хоразм ёшлари» газетаси муҳаррири ўринбосари, 47 яшар журналист Давлатназар Рўзметов 29 октябрь куни Қўшкўпир тумани ҳокимлиги биносида пахта сафарбарлигига ...
16 январ 2018
15 январь куни Ўзбекистон футбол федерацияси ижроқўми қарорига кўра, Самвел Бабаян «футболга алоқадор ҳар қандай фаолият билан шуғулланишдан умрбод» ...
29 май 2017
Андижоннинг Шаҳрихон туманида музқаймоқдан захарланган 100 кишига сальмонеллёз касаллиги ташҳиси қўйилган. Бу ҳақда Элтузга исми шарифини сир тутишни сўраган ...
3 октябр 2019
«Тошкентга юриш» қилгани учун қамалган 56 яшар шоир Маҳмуд Ражаб ўн кунлик ҳибсдан сўнг 3 октябрь куни маҳаллий вақт ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...