«Кеч қолдингиз, куёв бола!»

15 июн кунги селектор йиғилишида Президент Мирзиёев қўш хотинлик муаммосини тилга олди.

«ЗАГС ҳужжати бўлмаган шахсларга никоҳ ўқиган ҳар қандай муллани, агар у валломат бўлса ҳам жазолаймиз» деди президент.

Бироқ, тармоқда бунга қарши фикрлар ҳам янграмоқда:

Sevdora Latipova: «Ўзига тўқ инсон бирорта бева аёлни никоҳига олиши мумкин эмасми?… Энди «никоҳимга олишдан қўрқаман!» дея, зинокорлар кўпайиб кетса, нима бўлади?…»

Abbos Asad: «Қонунчилик имом-хатиблар ўқиган никоҳларни тан олиши керак. Ўз-ўзидан, иккинчи, учинчи, тўртинчи хотинлар ва улар туққан фарзандлари ЗАГСдан ўтган хотин ва ундан туғилга фарзандлар билан бир хил ҳуқуққа эга бўлиши керак»

«Тўрт хотин олганларни жаннатда етмиш пари кутиб оларкан, деганларни, ҳозирдан ўша ерга кузатсак бўлмайдими? Эртароқ етмиш парининг қучоғига боришсин» дея киноя қилади Азиза исмли яна бир юзер.

Айни мавзуни давом эттирган рассом Туз, президентнинг янги қароридан мулзам бўлган имом, куёв ва келинлар расмини чизади.

Рассом Туз
Eltuz.com