Cатира
16 май 2018

Навбаҳор Имомова АҚШ ОАВ тарихида Ўзбекистонда аккредитациядан ўтган илк журналист бўлдими?

«Навбаҳор Имомова АҚШ ОАВ тарихида илк бор Ўзбекистонда аккредитациядан ўтган журналист бўлди», деб ëзмоқда Ўзбекистон расмий матбуоти.

“Америка овози” журналисти Навбаҳор Имомова Ўзбекистон Ташқи ишлар вазирлиги томонидан аккредитациядан ўтказилганлигини табриклаган ҳолда «Элтуз» нашри 1992 йилдан 2005 йилгача «Америка Овози» ва «Озодлик» радиосининг йигирмадан ортиқ журналисти мамлакатда акредитациядан ўтиб ишлаганини таъкидлайди.

АҚШ Конгресси молиялайдиган «Озодлик» мухбири, ҳозирда марҳум Тоҳир Умаров 1991 йили Ислом Каримовнинг президент мақомидаги илк чет эл сафари бўлган Туркияга ташрифини жойидан туриб ëритганида Ташқи ишлар вазирлигида аккредитациядан ўтган эди.

«Ўзбекистон ТИВдан АҚШга қарашли матбуотнинг энг узоқ аккредитация олиб ишлаган журналисти мен эдим. Мендан бошқа «Озодлик» журналисти бир йилдан ортиқ аккредитация олмаган. Мен салкам беш йил аккредитация билан ишлаганман. Аккредитация билан ишлаган йилларим нафақага чиқишимда ҳужжат бўлди», деди «Озодлик» радиоси собиқ журналистларидан бири Раҳматжон Қўлдошев.

Фурқат Яквалхўжаев¸ Азизулло Орол, Гулчеҳра Нуриллаева сингари қатор журналистлар ҳам ўз даврида АҚШ ОАВ вакили сифатида аккредитация олиб ишлашган эди. Бундан ташқари, матбуотга кўмаклашувчи «Интерньюс» тармоғи журналистларидан бўлган Крис Геринг аккредитациядан ўтган илк журналистлардан эди.

Рассом Туз
Eltuz.com

Тағин ўқинг
12 август 2018
Ижтимоий тармоқларда автомобилларга ёқилғи қуйиш шохобчаларидаги километрларга чўзилган рекорд навбатларнинг тасвирлари пайдо бўлди. Тағин, автоулови йўқларнинг куни туғди, улар ...
19 июн 2018
Ўзбекистон Давлат хавфсизлик хизмати ўзининг facebokдаги саҳифасида билдиришича, 2014 йили АҚШ ватандошлигини олган асли қашқадарëлик Зокир Алиев АҚШда халқаро ...
20 май 2016
Фарғоналик М.исмли аёл 1-синфда ўқийдиган қизчасини мактабга жўнатдию, Халқ таълими вазирлигининг “Ишонч телефони”га қўнғироқ қилиш учун қўлига телефон олди. ...
26 декабр 2018
Кечган йилда Ўзбекистон табиий газ қазиб чиқариш ҳажмини оширди, бироқ бундан ўзбек халқи рўшнолик кўрмади. 2018 йил бошидан «Ўзбекнефтгаз» ...
Блоглар
18 январ 2019
Ўзбек матбуоти Бухоро вилоятининг Олот тумани ҳокими Шерали Саломов йиғилишда фермер Ориф Дурматовни калтаклагани ва ...
16 январ 2019
Лондондаги Шарқ ва Африка тадқиқотлари институти таҳлилчиси Алишер Илҳомов фейсбук саҳифасида Президент Шавкат Мирзиёевнинг Ўзбекистон ...
15 январ 2019
Ўзбекистонда Ватан ҳимоячилари куни нишонланди… бу эса болалар боғчасида олинган сурат… Нимага болаларга армия формасини ...