Cатира
19 декабр 2018

Урганчлик судья Зокиржон Ибрагимов пора билан ҳибсга олинди

Фуқаролик ишлари бўйича Урганч туманлараро суди судьяси Зокиржон Ибрагимов 14 декабрь куни 12 минг АҚШ долларини пора сифатида олаëтганида ушланди.

Урганчлик судья порани турар жойга эгалик ҳуқуқини белгилаш масаласини ҳал қилиш эвазига М.Э.дан талаб қилгани ҳақида ёзади, жумладан, прокуратуранинг расмий сайти.

Ушбу хабарга кўра, 11 декабрь куни М.Э. Урганч тумани судьяси Зокиржон Ибрагимовга қонуний чора кўрилишини сўраб, Хоразм вилояти ҳуқуқни муҳофаза қилиш органларга ариза билан мурожаат этган.

Ҳозирда урганчлик порахўр судъяга нисбатан Ўзбекистон Республикасининг «Судлар тўғрисида»ги ыонуни ва Жиноят кодексининг тегишли моддаларига кўра жиноят иши қўзғатилган.

Урганч тумани мулозимларининг уй-жойга эгалик қилишга алоқадор пора билан қўлга туширилгани ҳақида «Элтуз» илгари ҳам ўз ўқувчиларига маълум қилган эди.

Хусусан, Урганч тумани ҳокими Отабек Бекчонов 15 октябрь куни ишдан олинган, туман прокурори Д.Мадиримовга ҳайфсан берилган.

Шу йилнинг август ойида Урганч тумани ҳокимининг қурилиш бўйича ўринбосари 29 яшар Бекзод Абдримов ерга эгалик ҳуқуқини олиб бериш учун пора олганликда айбланиб қамалган эди.

Бундан сал аввал – 5 декабрь куни «Элтуз» нашри журналист Бобожоновларнинг уйларини мусодара қилиш қарорини Урганч тумани суди ўз кучида қолдириши ортидан ишни назорат тартибида қайта кўриб чиқиш юзасидан Ўзбекистон Олий судига мурожаат қилгани ҳақида ёзган эди.

Урганч туманлараро фуқаролик судининг 27 ноябрь кунги мажлисида судья Ўткир Машарипов ака-ука журналист Бобожоновларнинг уйларини мусодара қилиш борасидаги ўзи чиқарган қарорни ўзи ўз кучида қолдирган эди.

Eltzu.com

Тағин ўқинг
4 декабр 2017
Ўзбекистон Марказий Осиёда кучли ўйинчи бўлишга интилиш баробарида ҳарбий қудратини ҳам ошириб бормоқда. Афғонистон президенти Ашраф Ғанининг 4 декабрь ...
11 апрел 2020
Ўзбекистон халқ шоири, сатирик ва юмористик жанрдаги китоблар муаллифи Анвар Обиджон 73 ёшида 11 апрель куни оламдан ўтди. Бу ...
4 апрел 2018
«Ўзбекконцерт» давлат муассасасида 30 март куни санъаткорлар иштирокида «Тўй-ҳашамларни тартибга солиш тўғрисида»ги қарор лойиҳаси муҳокама қилинди. Бу ҳақда мажлисда ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...