Асосий мавзулар
25 март 2021

Коррупцияга қарши чиққан фаолга ким таҳдид қилмоқда?

Президент Шавкат Мирзиёевнинг Шоввозсойдаги махфий қароргоҳи мавзусини илк бор кўтариб чиққан тошкентлик фаол Алексей Гаршин шахсига таҳдидлар қилинмоқда. Бу ҳақда у ўтган ҳафтада тармоқдаги саҳифасига қўйган навбатдаги видеомурожаатида билдирди.

Унинг сўзларига кўра, бу каби шахслар, эҳтимол гуруҳлар томонидан ўзига нисбатан таҳдидлар икки йилдан буён давом этмоқда.

“Бундай таҳдидлар намойишкорона ва бутун дунёга очиқ тарзда ютуб каналига қўйилмоқда. Мен ёмон бир кориҳол содир бўлишини олдиндан сезяпман. Шунинг учун уларни сиз учун очиқлашга қарор қилдим”, дейди Гаршин ўз мурожаатида.

Гаршин унга таҳдид қилган иккита шахс аудиосини илова тарзида келтирган. Турма жаргонини эслатувчи ҳар иккала аудиода фаолдан давлат ишларига аралашмаслик талаб этилади, акс ҳолда унга жуда ёмон бўлиши айтилади.

“Салом, Лёша. Сенга бугун салом йўлламоқчиман. Бу салом мазмунини ҳозир айтиб бераман сенга. Биринчидан, каллангни дуч келган жойга тиқаверма ва кимларгадир ақл ўргатма. Ўзинг қаерда яшаяпсан? Агар Россияда бўлсанг, ўша Россиянгда ўтиргинда, ўша жойларни тартибга сол. Сизларда кўп-ку ахир ҳар хил Навальний ва яна аллакимлар. Агар Ўзбекистонда яшаётган бўлсанг, мен сени огоҳлантираман, кейин жуда оғриқли бўлади…”.

Иккинчи аудио айни мазмунда, аммо тартибсиз болахонадор ҳақоратларининг кўплиги билан ажралиб туради.

“Салом алайкум, Лёха. Бу Бахтиёр. Нимага (…) қилаяпсан? Кимга маслаҳатлар беряпсан? Сен қанжиқ, рус чўчқаси, б…! Бор ўша … Россиянгга! Ўша ерда, … маслаҳатлар бер. Сенинг кучинг етадими … Мен сени Тошкентда бўлсанг ҳам, бошқа жойда бўлсанг ҳам қидириб топаман. Агар Ўзбекистонда бўлсанг … сен ўз гапларинга жавоб берасан. Сен ўзингнинг б… аҳмоқ дўстларингни ўзингга ўхшатиб ўқитмоқчисан, шунақами? Сен … Мен сенинг кўтингни йиртиб ташлайман, п…! Шундай қиламанки, сенинг б… қизинг ёки бошқа бировинг Тома б… фоҳиша бор-ку, ана шундай бўлиб юради кейин. Қанжиқ, сени огоҳлантираман, яна бир марта шундай чиқиш қилсанг, оғзингни йиртиб ташлайман н..й! Пидор, мен сенинг ойингни… ! Тушундингми? Яна бир марта б… п… бизнинг мамлакатимизга осилма! Ва умуман чакагингни ўчир. Қорақалпоғистон ҳақида умуман гапирма. Агар духинг етса, шу ерга кел, мен сени …, ифлос чўчқа” .

Алексей Гаршин бу таҳдидларни таҳлил қилиб,  ўз ҳаётига жиддий хавф туғилаётганини англаганини билдиради. Таҳдидларга сабаб эса, унинг сўзларига кўра, Шавкат Мирзиёевнинг Шаввозсойдаги махфий қароргоҳи ҳақида тайёрлаган ҳужжатли видеоматериалларидир.

“Биринчи видеони мен АҚШ элчихонаси яқинида намойиш қилган эдим. Шу куниёқ менинг изимга тушишди. Мени ҳибсга олишди. Мен билан суҳбат ўтказишди.”

Тошкентлик фаол Алексей Гаршин билан ҳамкорликда тайёрланган кейинги видеони эса “Озодлик” радиоси тақдим қилган эди. Гаршин президентнинг Шаввозсойдаги қароргоҳи мамлакат ва халқ равнақи учун олинган жуда катта кредитлар эвазига қурилгани ва бу маблағлар жиддий коррупцияга алоқадор, халқ учун фойдаси тегмайдиган ҳашаматли саройлар қурилишига сарфланганини айтади.  

Eltuz.com

Тағин ўқинг
17 август 2016
Рассом: Туз Eltuz.com
5 июл 2017
Истанбулнинг Пендик туманида ўзбек фоҳишалари ва полиция ўртасида юз берган қочди-қувдида икки аëл яраланди. Ҳуррият газетаси муҳбири Муслим Сариëрнинг ...
10 ноябр 2018
Ўзбекистон мустақил бўлган 1991 йилдан то шу бугунчага бу мамлакат ҳукумати чет элда бошига иш тушган бирорта ватандошини ҳимоя ...
29 июл 2018
Ўзбекистонда энг узоқ муддат қамоқда ўтирган журналист ва собиқ сиёсий маҳбус Муҳаммад Бекжон ўзбек турмасидаги ҳаётига бағишланган биринчи китобини ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...