Асосий мавзулар
10 май 2021

Ёймачи аёл: Солиқчиларнинг ёрдам бергани ҳақидаги гаплари ёлғон

Олмалиқ шаҳрида солиқчилар ёймачилик ортидан тирикчилик ўтказаётган аёлларни судра-судра қилгани ортидан кўтарилган шов-шувдан сўнг воқеа иштирокчилари Давлат солиқ қўмитасининг бу тадбиркор аёлларга ҳар томонлама кўмак берилгани ҳақида тарқатган хабари ёлғон эканини билдиришди.

Эътиборлиси шундаки, солиқчилар ёймачиларни тортқилагани ва товарларини мусодара этгани тасвирланган видеолавҳалар тарқалиб кетганидан сўнг ДСҚ раиси Шерзод Кудбиев бу воқеага муносабат билдириб, халқдан узр сўраганди. 

Шундан кейин ДСҚ мазкур ҳолат юзасидан хабар тарқатиб, шу пайтга қадар ноқонуний фаолият юритган фуқароларга (яъни ёймачи аёлларга) “Солиқчи-кўмакчи” тамойили асосида тегишли ҳуқуқий ёрдам кўрсатилиб, фаолияти қонунийлаштирилгани айтганди. 

Хабарда уларга Олмалиқ шаҳридаги савдо марказидан тегишли жой ажратиб берилгани, шунингдек, кредит олишда амалий ёрдам кўрсатилиб, улардан бирига тикув машинаси ҳадя этилгани маълум қилинганди. 

Аммо ёймачи аёллардан бирининг “Элтуз”да мавжуд видеомурожаатига кўра, ДСҚ раиси ўринбосарлари томонидан кўплаб ваъдалар берилганига қарамай, уларнинг ҳеч бири бажарилмаган.

“Ўша воқеадан кейин ўринбосарларингиз ва бошқа мутасаддилар келиб, бизга қоп-қоп ваъдалар беришиб, биздан ёлғондан интервью олишиб, ҳеч қайси ваъдаларини бажаришмади. 

Бир ой муддатда давлат рўйхатидан ўтказиб, патент очиб берамиз, дейишди. Ҳаммасини қилиб берамиз, кредит олиб берамиз, дейишди. Ҳаммаси ёлғон. Ҳеч нарса қилиб беришмади. 

Жой ҳам йўқ, кредит ҳам йўқ. Қани тадбиркорга ёрдам бергани? Ҳаммаси ёлғондан интервью олгунларича экан”,  дейди у ДСҚ раиси Шерзод Кудбиев номига қилинган видеомурожаатида. 

Умуман, кузатувчилар фикрича, давлат идораларининг бу каби кўзбўямачиликлари кундан кунга кўпайиб бормоқда. Шов-шувли воқеаларга тезкорлик билан муносабат билдирилаётганига қарамай, улар бости-бости қилиниб, долзарблиги йўқолиши билан яна эътибордан четда қолдирилиб келиняпти. 

Шу ўринда тарихнинг бир сабоғи эсга тушади. 

2010 йилда Тунисда солиқчилар кўчада аравада мева сотиб юрадиган Муҳаммад Буазизий исмли оддий бир кишининг мева-чеваларини мусодара қилганди. Бунга жавобан у ўзига ўт қўйиб юборганди.

Шундан сўнг халқ Туниснинг коррупционер президенти Бин Али ва кланига қарши исён кўтариб, уни тахтдан ағдариб, мамлакатдан қочиб кетишга мажбур этганди. 

Бугунги Ўзбекистондаги воқеалар мамлакатдаги ҳукмрон доираларга Тунис сабоғини эслатмаётгани ажабланарли. 

Бундан икки хулоса чиқариш мумкин – ҳукумат ўзбек халқини бундай исёнга қодир эмас деб ўйлайди ёки бир ҳовуч амалдорлар ўзининг халқнинг ҳар қандай норозилигини бостиришга қодирлигига ҳамда эл уларнинг ҳар қандай ёлғонига кўниб кетаверишига ишонади!

Eltuz.com

Тағин ўқинг
10 феврал 2020
Ўзбекистоннинг туризмни иқтисодиётнинг энг муҳим тармоқларидан бирига айлантириш сиёсати қўшни давлатларда ҳам сайёҳлар сони тобора ортиб боришига сабаб бўлмоқда. ...
26 декабр 2019
Кечган йилда Ўзбекистон табиий газ қазиб чиқариш ҳажмини оширди, бироқ бундан ўзбек халқи рўшнолик кўрмади. 2018 йил бошидан «Ўзбекнефтгаз» ...
21 феврал 2017
Бугун Ўзбекистонда барча банклар «халқ манфаати»ни ўйлаб қолган. Уларнинг вакиллари уйма-уй юриб, одамларга кредит тарқатиш билан овора. Янги президентнинг ...
16 март 2018
Ўзбекистон собиқ президентининг тўнғич қизи Гулнора Каримованинг яқинлари орасида унинг «чўнтаги» сифатида танилган шахс – Журъат Мелиқулов қамоқдан бутунлай ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...