Асосий мавзулар
30 июн 2021

Шовотлик фермер: Ғалла шартномаларида фермерлар манфаати ҳисобга олинмаган

Шовот тумани ҳокимлиги 28 июнь куни ижтимоий тармоқларда тарқалган “Ғалла режасини бажарган фермерлардан қўшимча ғалла талаб қилинмоқда” мазмунидаги хабар юзасидан расмий муносабат билдирди.

Туман ҳокимлиги расмий баёнотида “Шовот дон маҳсулотлари” АЖ ва “Шовот яхши ният агрокластер” МЧЖ билан тузилган шартнома мажбуриятлари бир қатор фермер хўжалиги раҳбарлари томонидан бажарилмасдан келинаётгани айтилади.

Агар бу шартномалар “бажарилган тақдирда Шовот туманида ун маҳсулоти баҳоси ошиб кетишининг олди олинишига эришилиши” таъкидланади.

Шовотлик фермер Неъмат Эшжоновнинг “Элтуз”га берган изоҳига кўра, ҳокимлик ва кучишлатар тизимларнинг фермерларга қўяётган талаблари ўринсиздир. 

Чунки “Шовот дон маҳсулотлари” АЖ ва “Шовот яхши ният агрокластер” МЧЖ билан фермер хўжаликлари ўртасида тузилган шартномаларда ғалла етиштирувчи фермерларнинг манфаати мутлақо ҳисобга олинмаган. 

Фермер ун маҳсулотлари нархи ошишига деҳқонлар билан шартнома тузган айни ташкилотлар сабабчи эканини билдирди. 

“Бу шартномалардан фермерларга манфаат йўқ. Масалан, улар ғалланинг килосини 1300 сўмдан ҳисоблашяпти. Лекин шартнома тузилаётган вақтда, бултур август сентябрь ойларида ҳокимлик аралашиб, “сен пахта-ғалла фермерсан, сен шу шартномани имзолайсанми, ғалла экасанми?” деган. 

“Ҳаммасига пахта экмайман, қўшимча ғалла, яна нимадир экарман”, деб ўйлайди-да фермер. Шунинг учун рози бўлади. Ҳокимлик “Шовот дон” ва “Яхши ният” билан шартнома қиласан, дейди. Улар арзон олади, десаям, йўқ, шуни қиласан, тамом, вассалом, дея шарт қўяди”, дейди фермер.

Ҳокимлик баёнотида асосий муаммо нима учун туманда режани бажарган фермерлардан шартнома режасини бажармаган фермерларнинг режалари ва туман режасини бажариш учун ҳам ғалла топшириш талаб қилинаётгани ҳақида лом-мим дейилмаган.

Бундан аввал, 25 июнь куни Шовот тумани ҳокимлиги мажлислар залида вилоят ҳокимлиги вакиллари, вилоят прокурори ўринбосари иштирокида йиғилиш бўлиб ўтган. 

Телеграмдаги “Шовот фермерлари гуруҳи”нинг билдиришича, йиғилишда фермерлар битта-битта “разбор” қилинган. Юзга яқин фермерга режадан ташқари дон топшириш вазифаси юкланган.

Эшжоновнинг сўзларига кўра, бу шартномаларда эътиборга олинмаган жиҳатлардан яна бири сув етишмаслиги билан боғлиқ муаммолардир. Масалан, шу йил ёзда суғориш ишлари якунланганидан кейин кучга кирган янги сув солиғини олиш мумкин.

Бу йил қурғоқчилик бўлиб, хўжаликларга сув кам ажратилганига қарамай, сув истеъмолчилари уюшмалари (СИУ) солиқ идораларига реал сарфланган сув миқдоридан анча баланд ва фарқли бўлган экинларга зарур сув ҳажми меъёрларини тақдим этишган.

“Кейин биз ўзимизни ҳимоя қилиш учун СИУга бордик. Бизга шунча сув бердингми, дедик. Уларда йўқ бундай ҳужжат. Солиқ нимага асосан ҳисобланади, деган саволни қўйдик. 

Бу идора бизга қанча сув бергани ҳақида ҳужжат кўрсатиши, шу бўйича солиқ ҳисобланиши керак эди. Лекин СИУ бизга бундай ҳужжат бермаган. Ана шу гаплар умуман йўқ ахир! 

Гапга тушунишмайди. Барибир ўзлари билганини қилиб чиқариб ўтиришибди солиқни”, дейди Эшжонов.

Eltuz.com

Тағин ўқинг
24 октябр 2015
Н. Имомов Eltuz.com … Мусоқул чол ҳар кунгидек қирда қишлоқни томоша қилиб ўтирарди. – Бунча ҳансирайсан? – Қодирбой малланинг ...
4 феврал 2021
1 февраль куни Урганч шаҳри фуқаролик суди келинга бокира чиқмаганлик айбини қўйиб, уни видеога олиб, интернетда сазойи қилган бир ...
10 октябр 2022
Самарқанд шаҳрида яшовчи Сафаров Аминжонни болға ва теша билан уриб ўлдириб мурдасини унинг Спарк автомобилига қўшиб ёқиб юборган жомбойлик ...
19 июл 2017
Президент Мирзиёевнинг келаси ойдан Давлат Солиқ Қўмитани фискал идора сифатида тугатиши, унинг фаолияти Молия вазирлиги ва прокуратурага бўлиб берилиши ...
Блоглар
26 ноябр 2022
Нукусдаги воқеаларни ўрганиш бўйича парламент комиссияси таклифи ва Қорақалпоғистон Жўқорғи Кенгеси илтимосномасига кўра, намойишларда қатнашиб ...
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...