Асосий мавзулар
17 октябр 2023

Бахти Ташкентский Марказий осиёга «смотрящий» этиб тайинланди

Жиноят оламида “Бахти Ташкентский”, “Бахти Янгиабадский” тахаллуслари билан танилган Бахтиёр Қудратуллаев 14 октябрь куни ўзининг 52 ёшини Қибрайдаги уйида юзлаб ўзбекистонлик ва хорижий жиноят олами авторитетлари даврасида қарши олди.

Унинг туғилган кунига хориждан Леван Тбилисский (Леван Цинцадзе) бошчилигида жиноят оламининг бир гуруҳ авторитетлари келганлар. Меҳмонлар орасида Сойиб Жалалабадский бошчилигидаги Қирғизистон жиноят олами авторитетлари ҳам бўлганлар.  

Бахти Ташкентский уйида унинг туғилган кунини нишонлаш баробарида жиноят олами вакилларининг норасмий мажлиси – “ўғрилар сходка”си ҳам бўлиб ўтган.

Ўзбекистонлик ягона “вор в законе”ни видеоқўнғироқ қилиб, бутун дунёдан 100 га яқин жиноят олами авторитетлари ва ўғрилар табриклаганлар.

Табриклаганлар орасида бир бирига душман бўлган Шакро Молодой (Захарий Калашов), Таро Ониани (Тариэл Гурамович Ониани) ва Мераб Сухумский (Мераб Джанвеладзе) ҳам бор. 

Россияда бир-бири билан уруш ҳолатида бўлган мазкур ворзаконлар Бахти Ташкентскийдан улар ўртасидаги жанжалга “третейский судя” бўлишни (ҳакамлик қилишни) сўраганлар.

Уларнинг бундай илтимос билан чиқишларига Бахти Ташкентскийнинг ўғрилар ўртасидаги урушда ҳеч қачон ҳеч бир тараф томонини олмагани сабаб бўлган.

Шунингдек, собиқ СССР ҳудудларидаги авторитет ўғрилар Бахти Ташкентскийни бутун Марказий Осиёга смотрящий этиб тайинлаганлар.

Бахти Ташкентский уйидаги “cходка” Қирғизистонда “вор в законе” Коля Киргиз (Қамчибек Кўлбоев) Бишкекда махсус кучлар томонидан отиб ташланганидан ўн кун сўнг бўлиб ўтган.

Қирғизистонлик авторитет Сойиб Жалалабадский билан суҳбат чоғида Бахти Ташкентский ҳамкасби Коля Киргизнинг ўлимидан таассуф билдирган, аммо унинг сўнгги пайтларда сиёсатга аралашгани нотўғри бўлганини эслатган.

Советлар пайтида шаклланган қарашга кўра, “қонундаги ўғрилар” ҳеч қачон сиёсатга аралашмайди ва сиёсатни “кир иш” деб билишади. 

Қудратуллаев Бахтиёр Запарович 1971-йил 14-октабрда Тошкент шаҳрида туғилган. Ҳали 26 яшар экан, 1997 йилда «вор в законе» («қонун ўғриси») тожини кийган. Унинг «чўқинтирган оталаридан» бири «Дед Ҳасан» Россияда мафиябоши эди.

Бахти Ташкентский Ўзбекистонда жиноий дунёни бирлаштириш ва унда ўз тартибини ўрнатишга интилди. Аммо тез орада янги қонундаги ўғри мағлубиятга учради, чунки ўша вақтга келиб президент Каримов деярли барча маҳаллий ахлоқ тузатиш колонияларини «қизил» айлантирган эди. 

Яъни Ўзбекистондаги барча колониялар колония маъмурияти  жорий этган тартиб билан ишлай бошлади. Бу давр ичида Бахтиёр Қудратуллаев бир муддат Россияда истиқомат қилди.

Бахти Ташкентский бир неча йил ичида собиқ Совет Иттифоқи ҳудудида жиноят оламининг нуфузли шахсига айланди.  У ҳамиша ўғрилар мафкурасига амал қилиб келди ва ҳеч қачон сиёсатга аралашмади.

Бахти Ташкентский ҳаёти давомида турли айблар, жумладан гиёҳванд моддаларни ташиш ва истеъмол қилиш, қурол-яроқ сақлаш ва қамоқхона ички тартибини бузиш айбловлари билан бир неча бор судланган.

Бахти Ташкентскийни охирги йилларда кўпинча эстрада юлдузлари ёки сиёсий арбоблар ўраб олган фотосуратларда кўриш мумкин.

Видео: https://youtu.be/InFeq3-xiUQ?si=yFmKSgqbIECBA2cD

Элтуз Ўзбекистондаги ўғрилар олами, жиноий гуруҳларга яқин шахслар ва криминал авторитетлар фаолиятига оид воқеа ва ходисаларни ёритишда давом этади. Каналимизга обуна бўлишни видеоларимизга лайк босишни унутманг.

Тағин ўқинг
25 феврал 2020
Cotton Campaign халқаро коалиция делегацияси 2020 йил 28 январдан 5 февралгача Ўзбекистонда бўлиб, ҳукумат аъзолари ва ҳуқуқ ҳимоячилари билан ...
7 июл 2019
Хайрулло Файз 1970 йилда Ҳўжандда туғилган. ТошДУнинг журналистика факультетини битказган. Би Би Си радиосининг ўзбек хизматида ишлайди. Очилган кўздан ...
16 январ 2023
Рассом Туз @eltuz
10 июн 2019
Тошкент курантига тақаб пластик ва шишадан кафе-бар учун терасса-айвон қурилиши нафақат янгидан тикланди, балки курантнинг иккинчи томонида ҳам худди ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...