Асосий мавзулар
28 ноябр 2019

«Эрк» партияси лидери Муҳаммад Солиҳ кутилаётган сайловни танқид қилди

Туркияда яшаётган Ўзбекистон «Эрк» демократик партияси лидери Муҳаммад Солиҳ 27 ноябрь куни «Настояшее время-Азия» ТВ дастури учун берган интервьюсида кутилаётган сайловни танқид қилди.

Муҳаммад Солиҳ: Сўз эркинлиги жабҳасида ҳам аҳвол жиддий ўзгармади. Бу соҳадаги сохта либерализм бир-икки блогернинг коррупция ва мансабдорларнинг зўровонлигини танқид қилиши билан дарров чатнай бошлади. Ўзбекистондаги иқтидор Каримов режими юзига сурилган атир-упадан бошқа ҳеч қандай сиёсий ислоҳотга қўл урмади. Юксак минбарлардан янграётган нутқлар қип-қизил популизмдир.

Сайлов комиссияси тарафидан рўйхатга олинган мана шу бешта партияга қаранг: уларнинг ҳаммаси қўғирчоқ партиялар! Бештасини ҳам Ўзбекистоннинг собиқ ҳукмдори Ислом Каримов шахсан ўзи тузган. Улардан ҳеч бири ўзбек халқининг манфаатларини тамсил этмайди. Уларнинг асос вазифаси ўлкада «кўппартиявийлик» таассуротини яратиш, кўппартиявийликни имитация қилишдир.

Бу партиялар ўзларини ҳукуматга мухолиф санайдилар, аммо улар 25 йил давомида ҳукуматни мақташ ва диктатор Каримов жиноятларини маъқуллаш билан машғул бўлишди. Чунки Каримов уларни дунёга келтирди, Каримов «сайлади». УЛАР САЙЛОВГАЧА САЙЛАНДИЛАР.

Улар бугун ҳам халқ тарафидан эмас, президент тарафидан «сайланмоқдалар».

Ўзбекистонда ўзга фикрлиларни таъқиб этиш давом этмоқда. Яқинда режим танқидчиси журналист Давлат Назарни «шубҳали» бир юк машинаси «шубҳали шаклда» уриб кетди ва журналист ўлди. Бошқа бир мухолиф фикрли фаол Шабнам Оллошукурова Урганчда норозилик юришни дастаклагани учун жиннихонага ташланди.

Жамоатчиликнинг муттасил талабларига қарамасдан, Каримов режими тарафидан сохта айблар билан айбланиб қамоққа ташланган сиёсий маҳбуслар Акром Малик ва Рустам Абдураҳмонов ҳали ҳам озод қилингани йўқ.

Яқинда ўтадиган бу сохта «сайлов»ни кузатишга келадиган Европа хавфсизлик ва ҳамкорлик ташкилоти миссияси бу ташрифи билан Ўзбекистондаги антидемократизм ва посткаримов режимининг сиёсий репрессияларини машрулаштиришдан бошқа нарсага хизмат қилмайди.

Савол: Мухолифатнинг бу сайловни тан олиши учун нима юз бериши керак?

Муҳаммад Солиҳ: Бугунги иқтидорнинг қўлидан келмайдиган шу ишлар амалга ошиши керак: кейинги 30 йил ичида Каримов режими тарафидан ноҳақ айбланиб, жазоланган мухолифат арбоблари оқланиши лозим. Сургундаги мухолифат лидерлари ўлкага қайтиб келиши учун уларга йўл очилиши керак. Мухолифатнинг сайловда қатнашиши ҳақида расмий баёнот берилиб, мухолиф номзодлар расман рўйхатга олиниши керак. Бу энг зарур ва биринчи шартлардир. Аммо бу шартларни бажарадиган бир ҳукумат йўқ бугун Ўзбекистонда.

Тағин ўқинг
20 август 2018
Тошкентга келган Тожикистон президенти Имомали Раҳмонни 17 август куни аэропортда президент Мирзиёев қучоқ очиб қаршилади. Имомали Раҳмон худди Брежнев ...
6 март 2016
5 март куни Грозный шаҳридаги «Сафия» тантаналар уйида Ўзбекистон халқ артисти Юлдуз Усмонова Рамзан Қодировга қараб «Хеч кимга бермайман…» ...
25 июл 2016
Болалигимда дадам рўзғор ишларини енгиллатувчи, деҳқончилик ва боғдорчиликда асқотувчи буюмларни кўтариб келадиган киши эди. Ҳар сафар уйда жанжал дадам ...
14 апрел 2018
Чех кинорежиссёри Милош Форман 87 ёшида 2018 йилнинг 14 апрелида ҳаётдан кўз юмди. Ўтган асрнинг 60-йилларда ўз ижоди билан ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...