Боласини сотмоқчи бўлган ўзбекни жалабликка мажбурлашди

Истанбулнинг Эсенюрт туманида фоҳишаликка мажбурланган ва ҳомиладор бўлганидан кейин фарзанди сотилишини билиб, дори ичиб ҳомиласини туширган ўзбекистонлик аёл калтакланди. 

Режалари амалга ошмагани учун жаҳллари чиққан одам тужжорлари аёлни калтаклаганлар.

Ҳужумчилар ўша лаҳзаларни мобил телефонлари билан ёзиб олишган. 

Эсенюртда фоҳишаликка мажбурланган ўзбекистонлик аёлнинг исми Мухлисахон Каримовадир. 

Тасвирларни олган Каримова полицияга бориб, ариза билан мурожаат қилган. Фарзанди ҳомиласини ҳожатхонага ташлагани аниқланган Каримова ҳибсга олинган, қолган 2 гумонланувчини қўлга олиш ишлари давом этмоқда.

Воқеа ўтган куни Эсенюртда содир бўлган. Ўзбекистонлик Мухлисахон Каримова полицияга бориб, Юнус Эмре Д. билан яна бир шахс уни фоҳишаликка мажбурлаб, паспортини тортиб олганини айтиб,  ариза билан мурожаат қилган. 

Каримова далил сифатида Юнус Эмре Д. томонидан калтаклангани ва хабар алмашиш платформасида тарқатилган тасвирини тақдим этган. 

Полиция Каримованинг дори ичиб аборт қилгани ва болани Авжилар минтақасидаги меҳмонхонада ҳожатхонага ташлаганини аниқлаган. 

Гумондор Юнус Эмре Д. ва унинг ёнидаги шахсни ушлаш учун иш бошланган.

Маълум бўлишича, Каримова Ўзбекистонда фарзандли бўлишни истаган Сонер исмли йигит билан танишганини айтган. Сонернинг “кел, мендан фарзандли бўл, эвазига сенга уй бераман” деган ваъдасига ишонган Мухлисахон Туркияга келганини айтган . 

Аёл Туркияга келганидан кейин Сонердан ҳомиладор бўлиб, улар бир муддат бир уйда қолишган. Бироқ Сонернинг тазйиқларига чидай олмай Мухлисахон Каримова уйдан қочган. У дастлаб Фотиҳда иш топиб ишлай бошлаган. У ерда бирга ишлаган аёлдан фарзандини сотишда ёрдам беришни сўраган. Аёл ёрдам бермаслигини тушунган Мухлисахон ишини ташлаган ва Эсенюрт туманига бориб, у ерда Юнус Эмре Д. билан танишган.

Юнус Эмре Д. ва унинг шериги Мухлисахондан паспортини тортиб олиб,  ўзини фоҳишаликка мажбурлаганлар. Улар Каримова қорнидаги болани ҳам сотишларини айтганлар. 

Хуллас, бола туғиб, уйли бўламан дея орзу қилган ўзбекистонлик Мухлисахон қамоқда, уни фоҳишаликка мажбурлаганлар эса қидирилмоқда.