Асосий мавзулар
21 январ 2024

Қўзичоқлар сукути остида Россия ҳуружи

Рус шовинистларининг сўнгги ҳуружларидан ҳеч қандай ўзбек давлатчилиги йўқлиги аён бўлаяпти. Эмишки Россия бу ҳудудларни босиб олганидан кейин бу ерларда давлат унсурлари пайдо бўлган. Илгари бу гапларни кремл масхарабози, тентак Жириновский овозлантирар эди. У ўлгач миллатчиларнинг зоти ҳам кўпайди.  Бундай баёнотлар ортидан одатда ҳукуматлар расмий нота берган бўлишарди. Расмий Тошкент эса жим. Бундай иддаоларнинг айримларини тинглаймиз.

Эсингизда бўлса Россиянинг Украинага босқини ҳам худди шундай гап-сўзлар билан бошланган эди. Россия аввалига украин деган миллат ва халқ бўлмаган дейишдан бошлади. Энди озарбайжонлилар, ўзбеклар ва қозоқлар ўзлари ҳақида янги маълумотга эга бўлмоқдалар. Бу миллатлар октябр революциясига қадар бўлмаган экан.

Айрим ватандошларимиз бу асоссиз гапларнинг Россия ҳукуматига алоқаси йўқ, Россия билан дўст иноқмиз деган сафсатани шу кунларда урчитмоқда. У ҳолда президент Путиннинг 18 январда чиқарган фармонни қандай изохлаш мумкин?

2024 йилнинг 18 январида Россия Федерацияси президенти Владимир Путин яқин ўтмишда мустақил давлатлар тасарруфига ўтган, шу жумладан Чор империяси давридаги хорижий кўчмас мулкларни қидириб топиш, рўйхатга олиш ва ҳуқуқий ҳимоя қилиш учун маблағ ажратиш тўғрисидаги фармонни имзолади.

Ҳужжатга кўра, бу масала билан Россия президенти департамент бошқаруви ва Россия ташқи ишлар вазирлиги шуғулланади.

Яъни шу пайтгача рус шовинистлари тилидан айтиб келинаётган Россиянинг собиқ мустамлакаларини жумладан Ўзбекистонни қайта ишғол қилиш каби даҳанаки таҳдид, эндиликда амалдаги расмий фармон шаклини олди ва молиялаштирилди.

Қадрли ватандош соддафахм бўлма! Эл оғзига элак тутма! Элтуз каналига обуна бўл! 

Тағин ўқинг
1 июл 2023
«Элтуз» жамоаси 1 июлдан 30 кунлик меҳнат таътилига чиқади. Таътилдан кейин сиз, азиз дўстлар, кўзлари интизор сингиллар, меҳрибон опажонлар, ...
15 март 2021
Ички ишлар вазирлиги икки ой ичида 24 миллиард сўмга маҳбус ташувчи 50 та транспорт воситаси – автозак сотиб олгани ...
8 июн 2017
Андижон Ҳусусий автомобиллар бозорида ҳам нархлар кескин кўтарилиб кетди. GM Uzbekistan ширкати 31 май куни мамлакат ички бозорида автомобилларини ...
3 август 2021
Cамарқанднинг Ургут тумани Ғўс қишлоғида 21 июль куни бошланган норозилик ғалаёни 4 кун давом этди, автоматлар билан қуролланган кучишлатар ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...