Асосий мавзулар
6 октябр 2016

Темур Карпов, Елена Урлаева ва французлар қўйиб юборилди (видео)

Сўнгги олинган хабарга кўра бир неча соат бурун ўзбек миршаблари икки нафар французни қўйиб юборишган.

Кейин ҳуқуқ ҳимоячиси Елена Урлаева, ҳаммадан кейин Темур Карпов қўйиб юборилган.

Ўзбекистон ҳуқуқ ҳимоя альянси (ЎҲА) рахбари Елена Урлаевани милиция бўлимида миршаблар қаттиқ калтаклашгани маълум.

Тошкент вилоятининг Бўка туманидаги мажбурий пахта терими юзасидан мониторинг чоғи Елена Урлаевага ҳамроҳ бўлган ва эрталабдан милиция бўлимининг алоҳида хонасида сақланган Темур Карповнинг қисмати не кечгани эса ҳозирча номаълум.

Елена Урлаевага қарши шаллақи аёлларни ташлашган, унинг сўзларига кўра бу аёллар унинг сочларини юлишган, телефони ва бошқа буюмларини тортиб олишган.

Темур Карповнинг онаси Умида Аҳмедова сўнгги соатда ўғлининг қўйиб юборилгани, у билан ҳозиргина дадаси Олег Карпов телефонда гаплашганини айтди.

«Ҳали Темурнинг ўзи билан гаплашганим йўқ, французларга таржимон эди, бечоралар шокка тушиб қолган бўлишса керак», дейди Умида Аҳмедова

Ўғли Темур Карповнинг йўлда эканини eltuz.com мухбирига билдирган, Умида Аҳмедова ўғлининг ўзбек милицияси қарамоғидаги шаллақи аёлларга талатилмаганидан умид қилади.

«Қаранг, ука, бу аҳмоклар бир неча соатда Ўзбекситоннинг обрўсини тўкиб бўлишди! Франция ТИВ, элчихона, матбуот ҳаммасини кузатиб турибди» деди у.

Эслатиб ўтамиз, 6 октябр куни эрталаб милиция ходимлари фотограф Темур Карпов билан бирга Тошкент вилоятининг Бўка тумани пахта даласида,икки нафар француз ва таниқли ҳуқуқ ҳимоячиси Елена Урлаева ҳам ушлаган ва улар ярим кечагача ушлаб турилган эди.

Eltuz.сom

Тағин ўқинг
12 ноябр 2015
Бугун 12 ноябр куни эрталаб 21 йил қамоқда бўлган, 4 марта раскрутка қилинган таниқли мухолифатдаги сиёсатчи Мурод Жўраев озод ...
2 октябр 2017
Ўтган ҳафта охирида Рус патриархи Кириллнинг Ўзбекистон бўйлаб сафари бошланди, шунингдек Тошкентда Россиянинг янги ароқ заводи қурилиши ҳақидаги хабарлар ...
27 феврал 2017
Олдинги дайжестларимизда бир неча бор Ўзбекистонда расман рўйхатдан ўтган электрон оммавий ахборот воситаларида уйғониш эпкини эсаётгани, улар аввал умуман ...
31 октябр 2016
Бу йил ҳам Ўзбекистонда пахта теримига вояга етмаган болалар жалб этилгани қайд этилди. Бироқ ҳар сафаргидек ўзбек ҳукумати амалдорлари ...
Блоглар
23 апрел 2018
Нукус кўчасига бурилишдаги, олдинги винзавод рўпарасидаги озиқ-овқат дўконига қараб кетяпман. Қарасам, байрамона кийинган милиционерлар, байроқча ...
23 апрел 2018
Айни кунларда Тошкентдаги умумтаълим мактабларида турникет ўрнатиш кенг кўламда, аксарият ҳолларда мажбурий тарзда бошлаб юборилган. ...
20 апрел 2018
Коллеж ўқувчисини урган урганчлик ўқитувчи Зебо Нафасова 14 апрель куни ишдан бўшатилди. Унинг ишдан кетишига ...