Дайжест
7 июл 2016

Бўз сайловчилари Кетмоновга ўз муаммоларини айтмади

«Ўзбекистон овози» газетаси Халқ демократик партияси етакчиси, партиянинг парламент қуйи палатасидаги фракцияси раҳбари Ҳотамжон Кетмоновнинг Бўз туманидаги сайловчилар билан учрашувидан репортаж эълон қилди.

Аввалдан айтиб қўяйлик, мақолада бирор жойда «депутат сайловчиларнинг муаммолари билан қизиқди», деган сўзни учратмайсиз. Ҳатто «муаммо» деган сўзнинг ўзи йўқ. Бунинг ўрнига депутат Кетмонов бечора сайловчиларни «мамлакатимиз ижтимоий-иқтисодий ҳаётидаги янгиликлар, тарихий бунёдкорликлар ҳақидаги фикр-мулоҳазалари» билан боққан.
Бундан хулоса шуки, ёки сайловчининг муаммоси йўқ, ёки сайловчилар Кетмоновга ўз муаммоларини айтгани билан бирор иш чиқмаслигини билади. Муаммосиз туман, шаҳар ёки қишлоқ бўлмаслигини инобатга олсак, кейинги фикримиз тўғрироққа ўхшайди.

Ҳ.Кетмонов учрашувда қонунчиликка оид гапларни ҳам гапириб, яқинда ХДП «Ҳайвонот дунёсини муҳофаза қилиш ва ундан фойдаланиш тўғрисида»ги қонун лойиҳаси бўйича Демократик кучлар блоки (парламентимизда шунақаси ҳам бор) илгари сурган айрим фикрларга қўшила олмаслигини баён қилгани билан мақтанган.
Мана шу эътирозлардан бирига қисқагина тўхталамиз. ХДП қонун лойиҳасида ижтимоий ҳимоя масаласига эътибор қаратилмаган, деб ҳисоблаб, «Табиатни муҳофаза қилиш давлат қўмитаси мансабдор шахсларининг мураккаб ва ноқулай иқлим шароитларида меҳнат қилишини инобатга олиб, уларни ижтимоий муҳофаза қилиш масалаларини мустаҳкамлаб қўйиш зарур», деган таклиф киритган.

Эҳ, Кетмонов, шу ерда ҳам мансабдорларни ўйлабди. Ундан кўра, ҳайвонот дунёсини мансабдорлардан ҳимоя қилишни ўйламайсанми, номард! Қўриқланадиган жойда ҳам ов қиладиган ўшалар, ноёб ҳайвонларни ҳеч қандай жавобгарликсиз отадиган ҳам ўшалар-ку!

Хуллас, мақолада депутатнинг сайловчилар билан учрашуви ҳар томонлама фойдали бўлгани таъкидланади.

«Сайловчилар янги қонунлар ҳақида кўп маълумотлар олди. Депутатимиз сайловчилар таклифларини эшитди. Демак, бундай учрашувлардан ҳаммамиз манфаатдормиз», дея хулоса қилинади репортажда.

Eltuz.com

Тағин ўқинг
29 март 2017
Президент Мирзиёевнинг 7 мартдан кучга кирган қарори ортидан дори дармон тақчиллашуви билан боғлиқ жиддий муаммолар келиб чиқмоқда. Андижон шаҳридаги ...
18 декабр 2017
«Пахтага борасан, дейишди. Агар бормасанг, аризангни ёз ёки ўрнингга одам жўнат, дейишди. Ўзимизнинг ишимиз қолиб, бир ойдан кўп пахта ...
9 май 2018
Тошкент ҳимоясига отланган Мулла Алимқул бошчилигидаги Қўқон хонлигининг асосий кучлари 1865 йилнинг 9 майида шаҳарни рус босқинчиларидан тозалашга муваффақ ...
7 ноябр 2016
Шанба эрталаб жони узилган Абдулла Орипов тошкентликлар коммунист-мозор деб айтадиган Чиғатой қабристонига олдин режалангани каби сешанба куни хам, кейинчалик ...
Блоглар
18 декабр 2018
Халқ таълими вазири Шерзод Шерматов жойлардаги ўз қўл остидаги раҳбарларга хат йўллаб, бир неча талабларни ...
18 декабр 2018
Бундан роппа роса 32 йил олдин 1986 йилнинг 17-18 декабрь куни Совет раҳбарияти Олмаота ëшларининг ...
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...