Cатира
14 сентябр 2018

Вазир ўқувчиларнинг сазойи қилинганини қоралади

«Ўзбекистон 24» каналининг кийиниш маданияти «танқид қилинган» 12 сентябр кунги «Халқаро Пресс клуб» кўрсатувида ТВ журналистларининг ўзлари этика қоидаларини қўпол бузишди.

Шу куни ТВ журналистлари Тошкент шаҳрининг 110 ва 50- мактаблари ҳудудидаги «мактаб формаси» киймаган ўқувчи ва ўқитувчиларни уларнинг ва ота-оналарнинг изнисиз ТВ орқали очиқ кўрсатиб сазойи қилишди.

Халқ таълими вазири Шерзод Шерматов муҳим муаммоларни унутиб, тинимсиз ўқувчилар формаси ҳақида ёзаётган, касб этикасини унутган журналистларни ўз «Facebook» саҳифасида қоралаб чиқди.

«Этикага кўра, агар телевидение орқали шахс розилигисиз бирор киши салбий образда намойиш этилса, уларни кимдир таниб қолмаслиги учун юзларини ёпиш керак бўлади. Тараққийлашган жамиятда шахсни оммавий таҳқирлашга йўл қўйиб бўлмайди, айниқса, болаларни», дея ёзди Шерзод Шерматов.

Ўз ҳамкасбларининг ҳаракатини «Турон-24» нашри журналистлари ҳам қоралашди. Мақолага кўра, кўрсатувда «калта юбка кийган, соч ўстирган, юзларини бўяган ўқувчилар билан бирга устоз-мураббийлар»нинг кийинишлари қораланган.

«Лекин бирортасининг юзлари ёпилмаган ёки танимас даражада беркитилмаган. ТВ журналистлари шу тариқа ўз касбини суиистеъмол қилган ҳолда инсон ҳуқуқларини поймол қилган».

Шунга ўхшаш ҳолат жорий йилнинг 1 апрелида эфирга узатилган, ёшларнинг истироҳат боғларида қўл ушлашиб юргани, ўпишгани қораланган «Яширин камера» кўрсатуви жамоатчилик норозилигига сабаб бўлган эди.

Кўрсатувда унинг бошловчиси 22 яшар Бадриддин Ҳусниддинов ёшлар олдига камера билан қўққисдан бориб сўроққа тутади.

3 апрель куни Ўзбекистон Адлия вазирлиги бу кўрсатувни узатган «Mенинг юртим» телеканалини халқаро ва маҳаллий қонунчилик меъёрларини бузганлиги ҳақида расмий огоҳлантириш берган эди.

Рассом Туз
Eltuz.com

Тағин ўқинг
11 сентябр 2017
Ҳолливуднинг машҳур киноактери Стивен Сигал 9 сентябрда Тошкентда бўлиб ўтган Asian Fight 2017 Халқаро жанг турнирида қатнашмади. Шу куни ...
26 июн 2017
39 инчи Халқаро Москва кинофестивали танловида Россияни тамсил қилган уч асосий кинодан бирини Тошкентда туғилган рассом ва режиссер Рустам ...
2 апрел 2016
Эндиликда Ўзбекистонда айғоқчилик қилиш учун СНБа ёлланиш шартмас, аҳоли кўп тўпланган жойларда бирор одамнинг давлатга қаршилигидан гумонингиз бўлса кифоя. ...
24 август 2018
Ўзбекистонда шу ҳафта энг кўп пичоқбозлик Қурбон ҳайити кунига тўғри келди.  Шу куни, 21 августда Тошкент вилоятининг Янгийўл туманида ...
Блоглар
21 сентябр 2018
Алишер Навоий номидаги Ўзбекистон миллий кутубхонаси маъмурияти Рауф Парфининг 25 сентябрга мўлжалланган юбилейини тўхтатиш ортидан ...
19 сентябр 2018
Жорий йилнинг ўтган саккиз ойида Ўзбекистоннинг ташқи савдоайланмасида импорт суръатининг ўсиши экспортникидан қарийб етти баробардан ...
19 сентябр 2018
«Йигирма иккита маҳкум ва яна шунча войсковой бирданига изо­лятор томон чопа бошлайдилар. Войсковойлар йўл бўйи ...