Вақт машинаси
20 март 2018

20 март – ”Лола инқилоби” ёки Қирғизистондаги илк давлат тўнтариши

2005 йилнинг 20 март куни Қирғизистонда давлат тўнтариши юз берди. Парламент сайловидан норози бўлган мухолифатчилар дастлаб ўзбеклар зич яшайдиган Жалолобод вилоятида ҳокимликни, шаҳар ички ишлар бўлими биносини, вилоят маъмурий биноларини ва аэропортни эгаллашди.

Қирғизистондаги “рангли инқилоблар” сериясидаги халқ ғалаёнлари тарзида юзага келган илк сиёсий бўҳронга 2005 йил февраль март ойларида ўтган навбатдаги парламент сайловидаги сохтакорликлар сабаб бўлган.

Ҳокимиятдан норози халқ парламент ва ҳукумат биноларига ҳужум қилган, натижада республика президенти Асқар Акаев ҳокимиятдан ағдарилиб, унинг курсисини Қурманбек Бақиев эгаллаган.

Президент Акаев ўша пайтда сиёсий ғалаёнга қарши ўқ отилишига рухсат бермагани, ҳокимиятдан кетишни афзал кўргани айтилади. Бироқ маълумотларда 4 шахснинг ҳалок бўлгани, ички ишлар ходимларидан эса 15 кишининг яралангани келтирилади.

Асқар Акаев Россиядан вақтинчалик бошпана сўрашга мажбур бўлди ва ҳамон ўша юртда умргузаронлик қилмоқда.

Орадан беш йил ўтиб, унинг ўрнини эгаллаган Қурманбек Бақиев қисмати ҳам айни шундай якун топди. 2010 йил апрель инқилоби унинг режимини ағдарди. Бақиев мамлакатни ташлаб қочишга ва Беларусдан бошпана олишга мажбур бўлди.

Вақтли ҳукумат президентликка Роза Ўтунбоевани тайинлади, мамлакат жанубида яшаётган ўзбекларга қарши энг қонли хунрезликлар тепасида ўша пайтдаги давлат тўнтаришидан манфаатдор кучлар тургани айтилади.

2011 йилги сайловда эса қирғиз ҳукумати тепасига Алмазбек Атамбоев келди.

Eltuz.com

Тағин ўқинг
23 апрел 2016
Кун карикатурасида бугун Eltuz.com, рассом Элсевар қаламига мансуб, автобус чиптачиси томонидан қулоғи чўзилаётган болакай суратини тақдим этади. Дунёнинг турли ...
8 феврал 2017
7 феврал куни ўтган селектор мажлисида президент Шавкат Мирзиёев, туғуруқхоналарда порахўрлик очиқдан-очиқ тус олгани ҳақида гапирди. «Туғилганга пул бериш ...
14 июл 2016
«Правда востока» газетаси Вьетнам Социалистик Республикасининг Ўзбекистондаги элчиси байрам муносабати билан «Жаҳон» ахборот агентлигига берган интервьюсини эълон қилди. «Ўзбекистон ...
18 январ 2016
23 ёшли Сардор Милано Тошкентда Ëшлар симфоник оркестри жўрлигида яккахон концерт уюштиришга азму қарор қилганида “Ўзбекнаво” мулозимлари бу концертга ...
Блоглар
17 июл 2018
Андижон шаҳри ҳокими Дилмурод Раҳматуллаевнинг нафақат қонунчиликни, балки энг юқори даражада берилган буйруқларни ҳам назар-писанд ...
16 июл 2018
Президент Шавкат Мирзиёевнинг ўз ўтмишдоши Ислом Каримов даврида ишдан урилган раҳбарларни қайта лавозимларга тайинлаш сиёсатига ...
9 июл 2018
Каттақўрғонда милиция капитанининг аёл кишини қип ялонғоч қилган ҳолда таҳқирлагани ўзбек жамиятида жуда катта шов-шувга ...