Document UZ
21 сентябр 2018

Тадбиркор Жаҳонгир Умаров суд залидан озод этилди

“Интеграл Инвест” ширкати раҳбари, 18 ой ҳибсда қолган йирик тадбиркор 51 ёшли Жаҳонгир Умаров кассация шикоятидан сўнг 15 сентябрда суд залидан озод этилди.

Жаҳонгир Умаров Тошкентнинг Олмазор тумани суди томонидан 25 август куни наркотик (опиум) сақлаш ва тарқатишда айбланган ҳамда беш йил муддтага қамоқ жазосига ҳукм қилинган эди.

Илгари судланувчининг аёли Нигора Умарованинг «Элтуз» нашрига берган интервьюсида эрини бир йил бурун ёнига наркотик ташлаб қўлга олишганини айтган эди.

Шунингдек, у эрининг бўйнига айб қўйиш учун терговда уриб қийнашгани, қовурғаларини синдиришгани ва гўёки укол билан С гепатити вирусини юқтиришганини билдирганди.

Шу йилнинг мартида Умаровнинг адвокати судга аудиоёзув тақдим этди, унда Тошкент ИИББ катта тезкор ходими Фатҳиддин Нуритдинов опиум моддаси тинтув пайти тадбиркорнинг кабинетига ташланганини эътироф этади.

Жаҳонгир Умаровнинг билдиришича, наркотик моддалар унинг бизнесини тортиб олиш учун ташланган.

«Ҳамма ерда ётган бўлган. Момент, секундда уриб ташлаганман. Даже улар (шериклари) кўрмаган, шунақанги тез бўлганки, ҳеч ким кўрмаган», дейди Нуриддинов аудиоёзувда.

20 сентябрь куни Жаҳонгир Умаровнинг озод этилгани ҳақида хабар тарқатган ҳуқуқ фаоли Елена Урлаева унинг эндиликда реабилитация учун ҳаракат қилиш ниятида эканлигини, шунингдек, уни озод қилиш талаби билан оммавий акцияларга чиққан ва унга ёрдам берган ҳуқуқ ҳимоячиларидан миннатдор эканини билдиради.

Eltuz.com

Тағин ўқинг
8 феврал 2021
Ўзбекистон биринчи президентининг тўнғич қизи Гулнора Каримовани “Ўзбек маликаси” деб аташарди. У эстрада хонандаси, мода ва заргарлик буюмлари бўйича ...
22 ноябр 2023
Ўтган йилнинг август ойида Ўзбекистон ва Швейцария Гулнора Каримованинг мусодара қилинган 131 миллион долларни қайтариш бўйича келишув имзолаган эди. Бу Каримованинг ...
19 феврал 2021
Эҳтимол бошқа оилада дунёга келганида у машҳур турк рассоми сифатида улуғланган ва санъат тарихи зарварақларида муҳрланган бўлар эди. Бироқ ...
16 апрел 2024
Элтуз порталига келган cўнгги 5 та мактуб Ўзбекистоннинг Бухоро, Тошкент, Хоразм ва Россиянинг Москва шаҳридан келган. Хатлар келишда этмоқда, муаммолар ечимини тўлиқ таъминлаш учун Элтуз каналига обуна ...
Блоглар
21 апрел 2024
Картинани кеча уйимга олиб келдим. Бир кеча термилиб ётмоқчи эдим. Лекин имкон бўлмади. Доимгидек ҳаёт ...
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...