Асосий мавзулар
4 октябр 2016

Селектор мажлиси қатнашчиси қурбон бўлди

Учкўприк туманидаги 1-МТМ (мактабгача таълим муассасаси) мудираси 29 сентябр куни кечаси пахта теримига бағишланган селектор мажлисига кетаётиб, ҳокимият биноси қаршисидаги йўлни кесиб ўтаётганида, уни катта тезликда келаётган машина уриб юборган, бу ҳақда РайОНО (ҳозирги пайтда халқ таълими муассасалари фаолиятини методик таъминлаш ва ташкил этиш бўлими)даги eltuz.сom манбаси хабар берди.

Бу хабарни чўлда пахта тераётган айни мактабгача муаассаса ходимларини жанозага олиб борган такси хайдовчиси ҳам тасдиқлади…

“Ярим кечаси жанозага келган боғча ходимларини яна ётоққа олиб бориб қўйдим. Улар жуда ачинишаяпти, уч нафар фарзанди етим қолибди», дейди у.

Фарғона вилоят халқ таълими муассасалари фаолиятини методик таъминлаш ва ташкил этиш бўлимидиги eltuz.com нашри манбасига кўра, ҳар куни кечки соат 7.30 дан тумандаги барча мансабдорлар – банк бошқарувчилари, молия, солиқ, ИИБ,прокуратура вакиллари, мактаб директорлари ва боғча мудиралари, ҚФЙлар раислари селекторга йиғилади.

У шунингдек, селектор мажлисида пахта теримининг бориши, унда бюджет идораларининг иштироки муҳокама этилиши.

Мутлақо қишлоқ хўжалигига алоқаси бўлмаган муассаса рахбарлари, жумладан ҳалок бўлган болалар боғчаси мудирасидан ҳам пахта нормаси талаб этилишини айтади.

Унга кўра, селектор йиғилиши кунлик иш тугаганидан кейин, баъзан кечки 8 да, баъзан 9 да бошланади.

«Эркакларку майли, ҳатто аёллар ҳам уйига тунги 11, 12 ларданг кейин кириб бораяпти», – дейди ҳар куни селектор мажлисида қатнашаётган мактаб директорларидан бири eltuz.com мухбирига.

Пахта компанияси даврида ҳар йили турли сабаблар билан ўнлаб фожиали воқеалар қайд этилади, бу йилги мавсум ҳам бундай ҳолатлардан мустасно бўлаётгани йўқ.

Бу йил, Озодлик радиоси хабарларига кўра, мажбурий пахта терими сиёсати билан боғлиқ камида иккита одам ўлимига олиб келган воқеа юз берган.

Хусусан, 28 сентябр куни тиббиёт ходимлари далада пахта тераётгани сабабли, тўлғоқ билан «Тез ëрдам»да Ғузор туғруқхонасига олиб келинган 21 яшар аëлга қарийб бир сутка ҳеч қандай тиббий ëрдам кўрсатилмагани боис унинг чақалоғи оламдан ўтган.

11 сентябр куни эса Андижон вилоятида мажбурий пахта теримига жалб этилган Университет талабаси Комилжон Азимов ҳалок бўлган.

Eltuz.com

Тағин ўқинг
14 сентябр 2020
Ўзбекистонда аҳоли ялпи даромадининг 27 фоиз ошгани ҳақида «Ўзбекистон 24» телеканали орқали берилган хабар ижтимоий тармоқда ажабланиш билан қарши ...
13 сентябр 2018
«Навбатим яқинлашган сари тобора кучайиб бораётган ваҳима бутун вужудимни қоплаб олди. Ўнг оёғим товони зирқираб оғрий бошлади…». Муҳаммад Бекжон ...
22 феврал 2016
Ўзбек газеталарининг бугунги мавзулари “чиғатой адабиёти ва тили” атамасини муомаладан чиқаришга бел боғлаган Ўзбекистон ёзувчилар уюшмаси, Бухорода тадбиркорлар қурган ...
16 сентябр 2020
Вашингтон штатидан ўзини «мустақил олим» деб атаган шахс сургундаги ўзбек айирмачиларининг етакчиси учун АҚШдаги агент сифатида рўйхатдан ўтган. Асли ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...