Асосий мавзулар
23 май 2019

«Автотест» раҳбари парламент тасдиқлаган қонунни қандай ўзгартирди?

2019 йилнинг 3 майида президент имзолаган ва матбуотда эълон қилинган қонунда Ўзбекистондаги барча ҳайдовчилар малака ошириш сертификати олиши кераклиги ëзилади.

Президент имзолаган расмий матнда малака ошириш сертификати яна барча юридик шахсларга тааллуқли эканини кўриш мумкин.

Жорий йилнинг 28 февралида сенаторлар тасдиқлаган қонун лойиҳасида ҳам малака ошириш сертификати барча юридик шахсларга эмас, балки фақат йўловчи ва юк ташиш билан шуғулланадиган ҳайдовчиларга тааллуқли экани белгиланган.

Демак парламентдан президентга олиб борилаëтган пайтда қонун лойиҳасини кимдир ўзбошимча ўзгартиририб қўйган.

Ҳужжатларни қалбакилаштириш дея аталади бу жиноят қонунчиликда. Биргина жумла – «йўловчи ва юк ташувчилар” ўрнига “барча юридик шахсларга тааллуқли” деган ëзув ўзгартирилган.

Бу дегани сертификат берадиган идоранинг мижозлари 33 миллионлик Ўзбекистоннинг барча ҳайдовчилари деганидир. Сертификат берадиган ширкат учун бу осмондан чалпак ëққандай гап.

Қандай қилиб Олий Мажлис китобча шаклида чоп этган қонун матни президент имзолаган қонун матнидан фарқли бўлиши мумкин? Демак кимдир ўз манфаати йўлида қонун лойиҳасини ўзгартириб президентга тақдим қилган.

Китобий қаҳрамон, афсонавий изқувар Шерлок Холмс ўз изланишини «Бундан кимга фойда?» деган линияда олиб борганини китобхон ўлароқ биламиз.

Қарорга ўзгартириш киритишдан манфаатдор бўлган идора – бу ўша сертификат берадиган ширкат.

Бу ягона монополистик ширкатнинг оти «Аvtotest-Report» МЧЖ.

Бу ширкат эртакларда айтилган каби “лайлаквойники” эмас. Унинг эгаси шахсан президентнинг эндиликда собиқ матбуот котиби, айни пайтда эса президент маслаҳатчисининг биринчи ўринбосари мақомида Ахборот ва оммавий коммуникациялар агентлигини бошқараётган Комил Алламжоновдир.

2014 йилда компания очилганидан сўнг Комил Алламжонов “Форбс” журналисти Майкл Рунига берган интервьюсида бу ҳақда фахр билан айтиб ўтган.

Алламжонов бугун ўзини Ўзбекистон матбуоти хўжайини деб билади.

Ўзбекистонда ҳайдовчиларнинг фақатгина “Автотест” МЧЖга қарашли курслардагина малакасини оширишга йўл очиб берувчи қонун танқид қилинган мақолаларнинг Uza.uz, Kun.uz, Minbar.uz сайтларидан 7 май куни олиб ташлаттирилиши “Комилжоннинг иши” экани айтилади.

Аммо «Автотест» монополияси ва “йўлда ўзгартирилган“ қонун ҳақида «Озодлик» ва «Элтуз» нашрлари ëзишда давом этди.


Eltuz.com

Тағин ўқинг
5 апрел 2023
Салом қадрли муҳлислар. Элтуз порталига келган навбатдаги 5 та шикоятни ўқиб эшиттирамиз. Мактублар Ўзбекистоннинг Андижон, Сурҳондарё, Тошкент ва Ўзбекистоннинг Қозоғистон ҳамда ...
19 декабр 2017
Тошкентдаги “Абу Сахий” бозори пештоқидаги ëзув “Тошкент ипак йўли” дея ўзгартирилди. Бу ўзгариш жараëнини Тошкентдаги “Элтуз” мухбири фотосуратга олди. ...
13 феврал 2018
Ўзбекистонда оғир касаллар учун ишлатиладиган оғриқни қолдирувчи наркотик ва психотроп дорилар етишмаяпти. Мамлакат дорихоналарига наркотик дориларнинг кам миқдорда етказиб ...
1 май 2015
Ислом Каримов Ўзбекистонга 1989 йилдан раҳбарликни бошлаган. 24 йил аввал. Жуда ҳам қадимдан. Бу вақт ичида у анча қартайиб ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...