Асосий мавзулар
12 июн 2019

Швецияда террор уюштиришда айбланган ўзбек оқланди

Швед апелляция суди “Исломий давлат” террор ташкилотининг Швециядаги портлашларини уюштиришда айбланиб етти йилга қамалган 46 яшар Фарҳод Тошмуҳаммедов (Швецияга келиб олган исми Давид Идриссон)ни оқлади. Бу ҳақда 12 июнь куни швед нашрлари хабар тарқатди.

Суд Тошмуҳаммедовни қўйилган айблар исботини топмагани учун оқлаган ва суд залидан озод қилган.

Швециянинг Солна тумани суди террорчиликни молиялаш ва терактлар тайёрлашда гумонланиб бир йил бурун ҳибсга олинган Фарҳод Тошмуҳаммедовни жорий йилнинг май ойида 7 йил қамоқ жазосига ҳукм қилган эди.

Тошмуҳаммедовнинг айбланишига унинг юзлаб килограмм портловчи моддалар харид қилгани ва “Исломий давлат” гуруҳи аъзоси Ботир Юсупов билан алоқада бўлганини асос қилиб кўрсатилган эди.

“Элтуз” нашри олган тергов ҳужжатларига кўра, ўшанда 6 нафар (5 нафари Ўзбекистондан бўлган) судланувчига “Исломий давлат” (ИШИД террор ташкилоти)га пул жўнатмалари ташкил қилиш, террорчиликни уюштириш айблови илгари сурилган.

Бироқ швед судининг апелляция қарори қолган 5 нафар судланувчига тааллуқли эмас.

“Элтуз” нашри швед суди 2018 йилнинг 31 май куни террор ҳужуми тайёрлашда гумон қилинган тағин тўрт нафар ўзбекистонликни ҳибсга олиш ҳақида қарор чиқаргани ҳақида ёзган эди.

Eltuz.com

Тағин ўқинг
24 декабр 2016
Аркадий Шайхет (1898 – 1959 йй.) совет мафкуравий фоторепортаж соҳасининг кўзга кўринган арбоби. Уқубатли ҳаëтни “мафтункор ҳақиқатга” айлантириш бўйича ...
30 май 2017
Ангрен шаҳрида Ўзбекистоннинг шўролар даврида илк президенти бўлган Йўлдош Оҳунбобоевга ўрнатилган ҳайкал бузиб ташланди. Бу ҳақда 29 май куни ...
23 май 2017
23 май куни Марказий Банк Бошқаруви раиси Муллажонов Файзулла Мақсуджонович 67 ёшида оламдан ўтди. 1950 йил Сирдарё вилоятида туғилган, ...
6 май 2019
Россиянинг сиёсий малайлари иштирокида ташкил этилган ташаббусга Ўзбекистондаги сиёсий ҳукумат бирор сиёсий баҳо бераётгани йўқ. “Озодлик”нинг ёзишича, рус тилига ...
Блоглар
4 декабр 2019
(Муҳаммад Солиҳ ва Нуруллоҳ Муҳаммад Рауфхон суҳбатларини тинглаб) 1980 йиллар бошида раҳматли отам Мадамин Бек ...
27 ноябр 2019
Ўзбекистон Бош прокуратураси Тошкент шаҳри ҳокими Жаҳонгир Ортиқхўжаевнинг ижтимоий тармоқда тарқалгани аудиоёзувидаги ҳолатларни текшириш юзасидан ...
19 ноябр 2019
Матбуот хизматлари ва жамоатчилик билан алоқалар соҳаси бўйича таҳлиллар рукнимизнинг янги сонига катта эҳтиёж пайдо ...