Document UZ
3 январ 2019

Швецияда террорга алоқадор олти ўзбекнинг суди белгиланди

Швеция пойтахти Cтокгольмнинг Солна тумани судида террорчиликни молиялаш ва терактлар тайёрлашда гумон қилиниб ҳибсга олинган 6 нафар ўзбек устидан суд 7 январь кунига белгиланди.

“Элтуз” нашри олган тергов ҳужжатларига кўра, судланувчилар Акромжон Эргашев 34 яшар, Ғулом Тожиев 39 яшар, Давид Идриссон 46 яшар, Шоаҳмад Маҳмудов Шорасул ўғли 24 яшар, Бахтиёр Умаров 30 яшар, Отабек Абдуллаев 39 яшардир. 

Судланувчиларнинг беш нафари Ўзбекистон фуқароси бўлиб, яна бири – Отабек Абдуллаев қирғизистонликдир. 

Шунингдек, улар Швециянинг турли ҳудудларида – Стромсунд, Остерсунд, Киста, Йордбро, Спонга, Тэбу туманларида яшашгани, улардан Давид Идриссон (асл исми Фарҳод Тошмуҳаммедов) 2008 йили Швецияга келгач, паспортидаги исм-шарифини ўзгартириб олгани “Элтуз”га маълум (суратда чапдан биринчи).  

Швед нашрларига кўра, барча судланувчиларга “Исломий давлат” (ИШИД террор ташкилоти)га пул жўнатмалари ташкил қилиш айблови илгари сурилмоқда.

Абдуллаев, Идриссон ва Маҳмудов пул жўнатмаларидан ташқари Швецияда терактлар уюштиришга тайёргарлик кўришгани, бунинг учун улар портловчи модда учун юз литрдан ортиқ кальций гипохлорити, водород, калий гидроксиди калий ва сулфурик кислота йиғишган. Улар рациялар, газниқоблар ва бошқа турли ҳимоя воситалари, махсус қўлқоплар харид қилишган.

Бундан ташқари, Идриссон (Тошмуҳаммедов) 49 грамм гиёҳвандлик моддаси сақлашда, Абдуллаев эса қалбаки ҳужжатлар билан банкда ҳисоб очишда айбланмоқда. Умаров пул ўтказмаларида сохта грек паспортидан фойдаланган.

Cудланувчиларнинг бири Маҳмудов 2018 йилнинг сентябрида ҳибсга олинган, кейинчалик суд уни қўйиб юборган. Абдуллаев, Эргашев, Идриссон ва Умаров 2018 йилнинг майидан буён қамоқда қолишмоқда.

“Элтуз” нашри швед суди 2018 йилнинг 31 май куни террор ҳужуми тайёрлашда гумон қилинган тўрт нафар ўзбекни ҳибсга олиш ҳақида қарор чиқаргани ҳақида ёзган эди.

Eltuz.com

Тағин ўқинг
22 апрел 2016
Америкалик қўшиқчи 57 яшар Принс ўзининг Миннесотадаги овоз ëзиш студиясида ўлик холда топилди. Қўшиқчи ўлими ҳақида унинг матбуот котиби ...
19 декабр 2018
Фуқаролик ишлари бўйича Урганч туманлараро суди судьяси Зокиржон Ибрагимов 14 декабрь куни 12 минг АҚШ долларини пора сифатида олаëтганида ...
3 ноябр 2017
Сўнгги вақтларда рус мулозимларининг Ўзбекистонга ташрифлари кўпайди. Шу кунларда Россия бош вазири Дмитрий Медведов юртимизда бўлиб турибди. МДҲ мамлакатлари ...
5 апрел 2018
Ўзининг уч яшар ўғлини бўғиб ўлдириб, дарахтлар остига ташлаб кетган андижонлик Саидахон Тиллаволдиева 3 апрель куни Тошкентда ҳибсга олинди. ...
Блоглар
13 феврал 2020
Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти.  ...
6 феврал 2020
Марказий Осиё давлатларига паст назар билан қарашини яширмайдиган Россия либерал демократик партияси лидери Владимир Жириновский ...
4 феврал 2020
Президент Мирзиёев 31 январь куни Давлат геология ва минерал ресурслар қўмитасида ўтган учрашувда «бир кичкина ...