Асосий мавзулар
29 апрел 2020

“Саховат ва кўмак” жамғармаси учун уйма-уй юриб пул йиғишмоқда

Андижон вилоятининг Андижон туманида участка нозирлари ва маҳалла фаоллари янги тузилган «Саховат ва кўмак» жамғармаси ҳисобига аҳолидан уйма-уй юриб пул йиғишмоқда.

Бу ҳақда “Элтуз”га Андижон тумани ҳокимлигида ишловчи, бироқ ўз исмини очиқлашни истамаган мулозим 29 апрель куни хабар берди.

Унинг тасдиғига кўра, республика бўйича барча ташкилотларнинг раҳбар бўғинларига пул топширилсин, деган «команда» бўлган.

«Рўйхат бўйича йиғиб, жойлардаги «Саховат ва кўмак» бўлимларига топширишмоқда», дея билдирди ҳокимликнинг исми сир қолишини сўраган мулозими.

«Бу ишларнинг бошида Андижон вилоят ҳокими Шуҳрат Абдураҳмонов турибди. Аслида карантинда уйда ўтирибмиз. Ихтиёрий-мажбурий деб босим ўтказишяпти, исмимни ёзсангиз мени аниқ қаматишади», дея ёзғирди у.

Фарғона шаҳридаги газ таъминоти идорасининг “Элтуз” билан суҳбатлашган ишчиси ҳам бу хабарни тасдиқлади. Унинг сўзларига кўра, раҳбарият томонидан апрель ойи маошининг 25 фоизи чегириб қолиниб, жамғармага ўтказилган.

“Элтуз”нинг Фарғона шаҳридан бўлган бошқа бир суҳбатдошига кўра, пул мажбурий-ихтиёрий тартибда, асосан, тадбиркорлардан йиғиляпти ва бу ишга МИБ ижрочилари ҳам жалб этилган.

“Эрталаб МИБчи келувди. Ойлигимизнинг бир кунлигини ўша жамғармага ўтказвордик”,  деди 29 апрель куни “Элтуз” билан боғланган фарғоналик тадбиркор.

«Саховат ва кўмак» жамғармаси муҳтож оилаларга ёрдам бериш мақсадида Вазирлар Маҳкамасининг 22 апрелдаги қарори билан ташкил қилинган. 

«Жамғарма маблағлари карантин даврида ижтимоий ҳимояга муҳтож оилаларга, кўп фарзандли оилаларга, ногиронлиги бўлган шахсларга ва ёлғиз қарияларга, ўз даромадини йўқотган вақтинча ишсиз бўлган жисмоний шахсларга ёрдам бериш учун ишлатилади. Улар пул маблағлари, кундалик истеъмол товарлари, дори воситалари ва бошқа маҳсулотлар билан таъминланади», дейилган расмий хабарда.

Икки кун олдин бўлиб ўтган йиғилишда президент Шавкат Мирзиёев тадбиркорлар муҳтож оилаларга ёрдам кўрсатсин, деб айтган эди. Ёрдам кўрсатган тадбиркорларга эса давлат турли имтиёзлар берилишини таъкидлаган.

Eltuz.com

Тағин ўқинг
24 январ 2019
Немис сиëсатчилари ва матбуоти Германияга келиб кетган Ўзбекистон президенти Шавкат Мирзиëевни “ислоҳотчи” сифатида эътироф қилишди. Германиядаги Süddeutsche Zeitung газетасининг ...
16 январ 2017
Мирзиёевнинг тадбиркорлик ривожи ҳақидаги оташин сўзларига қарамай Ўзбекистонда кичик бизнес назорат идоралари босими остида танг аҳволда қолмоқда. Шавкат Мирзиёевнинг ...
11 апрел 2020
10 апрель – Абдулла Қодирий таваллуд топган кунда президент томонидан Ўзбекистон Республикасининг “Ўзбек тили байрами кунини белгилаш тўғрисида”ги қонуни ...
11 феврал 2019
ДХХ раиси Ихтиёр Абдуллаевнинг лавозимидан бўшатилиб, ўрнига Абдусалом Азизовнинг тайинланишини 11 феврал куни Лондондаги Шарқ ва Африка тадқиқотлари институти ...
Блоглар
24 феврал 2021
Болалигимда мендан 5-6 ёш катта қўшни каптарвоз бола бўларди. Кўпинча каптарлари бизнинг ҳовлимизга учиб келиб ...
17 феврал 2021
Ҳали газга ўтилмаган ёнилғи сифатида фақат бензиндан фойдаланиладиган вақтлар эди. Бензин эса автомобилларга ёнилғи қуйиш ...
15 феврал 2021
Ўша қадим, қадим замонларда давлати бой, одамлари эркин, бақувват, оилалари бахтиёр, адолат устун бўлган мамлакатга ...