Асосий мавзулар
25 май 2022

«Элтуз» натижа: Наманган ДСБ бошлиғи ишдан кетди. Ходимларга муносабат ижобий томонга ўзгарди

«Элтуз» нашрида чоп этилган “Наманган солиқ тизимидаги наханглар” мақолалари ортидан, ниҳоят Наманган вилоят солиқ идорасидаги «вазият ижобий томонга ўзгарган». Бу ҳақида Наманган вилояти солиқ идораси ходими «Элтуз»га хабар берди.

Мактуб эгасининг ёзишича, “Элтуз” нашрида Наманган вилояти солиқ тизимидаги коррупцион ҳолатлар ҳақида эълон қилинган иккита мақоладан сўнг, ниҳоят мамлакатнинг тегишли ҳуқуқ-тартибот идоралари вазиятга эътибор қаратган.

Наманган Давлат Солиқ бошқармаси (ДСБ) бошлиғи Тилаволдиев Адҳам лавозимидан бўшатилган. Солиқ ходимларига бўлган муносабат ҳам яхши томонга ўзгарган.

Аммо, мактуб эгасига кўра, собиқ раҳбар эндиликда Фарғона вилояти ДСБ рахбари этиб тайинланган.

«Элтуз»га йўлланган мактуб

«Авваламбор, биз Наманган вилоят солиқчилари Сизларнинг қилаётган холис хизматларингиз учун кўксимиз ерга теккунча раҳмат айтамиз.

Наманган солиқ тизимида рўй бераётган коррупцион ҳолатларни ёритиб берганингиздан сўнг, мана бугун Тиллаволдиев Адхам Наманган вилоят солиқ бошқармаси бошлиқлигидан кетди.

Наманган вилоят аҳли битта катта порахўрдан қутилгани учун Элтуз оғадан жуда хам катта миннатдор. Ҳеч қачон халқ дардини, давлатчиликда бўлаётган адолатсизликларни ёритишда ва уларга чек қўйилишида кўмак беришдан чарчаманглар.

“Наманган солиқ тизимидаги наҳанглар” номли чиқарган постингиздан кейин биз ходимлар учун анча енгиллик бўлди.

Идорадаги раҳбарлар биз ходимларга яхши муомалада бўлиб қолишди, энг асосийси, соат 20-00 дан 21-00 гача идорада ҳеч ким қолмаяпти.

Кечқурун соат 20-00 да бошланиб 24-00 гача давом этадиган селектр йиғилишлари бўлмай қолди.

Мана бугун эса ҳаммани қувонтирадиган хабар, Тиллаволдиев бизни тарк этди, яъни Фарғона вилоят ДСБ га бошлиқ бўлиб ўтиб кетди.

Менимча, сизнинг чиқараётган постларингиздан қўрқиб, земляги ДСҚ раиси Кудбиевга бориб йиғлаган кўринади, наманганликлар мани сиғдирмаяпти деб.

Нима ҳам дер эдик, ишларига омад, фақат энди Наманганда қолган ўринбосарлари ва бошқа раҳбарлар ўзини билиб юришса бўлди.

Лекин, барибир шу кунгача қилган қилмишлари учун Республика ДСҚ дан ва Прокуратура органларидан хизмат текшириш тайинлашларини сўраб қоламиз, чунки унинг амалга ошириб кетган коррупцион жиноятлари учун биз кейинчалик ҳам жавоб бериб юришимизни истамаймиз».

Тағин ўқинг
10 август 2021
ИШИДнинг Суриядаги лагерларда сақланаётган аёл аъзолари учун июль ойида рус тилидаги ёпиқ телеграм чатда қуйидаги эълон берилди: “Ўзбекистонлик опа-сингиллар, ...
26 сентябр 2017
Шавкат Мирзиёев иқтидорга келгач, Россиялик ўзбек миллиардерларининг мамлакатга келиб бизнес бошлаётгани кузатилмоқда. Алишер Усмонов, Искандар Маҳмудовлар ортидан яна бир ...
13 январ 2023
Ўзбек киноси шимолдаги «уришқоқ» давлат эмас, балки Гарбдаги тараққийпарвар давлатлар билан ҳамкорлик қилаётгани қувонарли ҳолдир. Сал олдин ВГИКнинг филиали ...
15 январ 2016
Элтуз электрон почтасига келиб тушган хабарга кўра, бош вазир Шавкат Мирзиёевнинг эркатой куёвлари Ойбек ва Отабеклар пули кўплигидан керилишмоқда. ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...