Гребеншиков Муҳаммад Бекжон ҳимоясига чиқди

Бугун машҳур россиялик ҳонанда ва бастакор, Афсонавий «Аквариум» гурухи солисти Борис Гребеншиков Муҳаммад Бекжон озодлигига бағишланган http://marafon-pisem.org/2015/index.html#uz хештеги остидаги акцияда иштирок этди.

Машҳур ҳонанда ўзбек турмасида энг узоқ муддат қолаётган журналист “Эрк” газетаси муҳаррири Муҳаммад Бекжон банерини кўтариб тушган расмини Фейсбукдаги ўз саҳифасида эълон қилди.

Унинг бу акцияси хонанданинг кўплаб муҳлислари томонидан олқишланмоқда, хусусан 3 040 мухлиси томонидан препост (қайта кўчириб босилган) қилинган, масалан шундай постлардан бирига 2 117 лайк, бошқасига 12 минг 500 дан зиёд лайк қолдирилган.
Ўзбекистонликлар унинг “Сирли ўзбек” қўшиғи орқали юксак истеъдод эгаси Борис Гребеншиковни яхши танийдилар.

СИРЛИ ЎЗБЕК

(Мирза Анвар Ҳамидов таржимаси)

Андишанинг оғир дамлари
келди ва кетди…
Шон-шавкат қўли ëнди ва куллари тарқади
Бу қоришиқ ҳам тўкилиб кетди.

Қувноқ ва шоëн юрганларга етказинг
Зотан сирли ўзбек шу ерда
Чидадик биз узоқ, ҳормайин,
Сирли сўзни унутган мисол.

Кўкка кўтарилмоқ жуда ҳам қийин.
Гарчи дарча маълум,
қаншарда девор….

Дудмаллик даври ҳам топди интиҳо.
Қонли кўйлагимиз олди аланга.
Зулмнинг бўғзига босиб биз, Борҳо!
Эрк қушин учирдик кўкка, баландга!

Замона зўрники, эҳ, бу замонлар!
Айтинг ўша дажжол, чўтир дарғага:
Сирли ўзбек келган аллақачонлар,
Эрк қуши чанг солди каззоб қарғага.