Cатира
19 декабр 2017

«Абу Сахий» номини ўзгартирди: кучлиси заифини енгдими?

Тошкентдаги “Абу Сахий” бозори пештоқидаги ëзув “Тошкент ипак йўли” дея ўзгартирилди. Бу ўзгариш жараëнини Тошкентдаги “Элтуз” мухбири фотосуратга олди.

«Абу Сахий» бозори пештоқидаги ёзув ўзгартирилмоқда

Божхона “яшил чироғи ëқиб қўйилган” “Абу Сахий” ўтган йили ўлган президентнинг кенжа қизи Лола Каримова-Тиллаева ва унинг эри Темур Тиллаевга қарашли экани айтиб келинади.

Темур Тиллаевнинг “хусусий савдо империяси” дея ном олган, кўп миллиардли даромадлар манбаи “Абу Сахий” бозорининг кимга ўтгани ҳақида аниқ маълумот йўқ.

Ўзбекистон президенти Ислом Каримов оламдан ўтганидан кейин “Абу Сахий” бозори молиявий-хўжалик фаолиятини текшириш бошланган эди.

Текширув гўëки аҳоли эътирозлари асосида ташкил қилингани ҳақида “Элтуз»да маълумот бор.

Натижада солиқ тўлашдан бўйин товлаш ҳамда чет эл валютасидан ноқонуний фойдаланиш эпизодлари аниқлангани айтилади.

Бу “текширувлар” аслида “Абу Сахий” бозорини Шавкат Мирзиёевнинг куëвларига ўтказиш мақсадида қилингани ҳақида иддаолар ҳам мавжуд.

Темур Тиллаев Тошкентни Ислом Каримовнинг вафоти расман эълон қилинишидан аввал тарк этганди.

Ўзбекистондаги барча даромадли бизнес, хусусан, “Абу Сахий” ўзлаштириб олингани «Элтуз» билан суҳбатлашган маҳаллий тадбиркор таъбирида «табиий жараëн»дир.

«Ўзбекистон бизнес олами худди Африка жунглисига ўхшайди. Кучли ҳайвон заифни ейди. Шоқолларга эса ичак-чавоқлар ҳам етади», – дейди тадбиркор.

Рассом Туз
Eltuz.com

Тағин ўқинг
17 июл 2017
«Мана битта мисол, эрталаб мен Интернетни ўзим очиб ўқидим, буни менга ҳеч ким бермайди!» деди Мирзиёев депутатлар билан 12 ...
22 сентябр 2020
«Корейс эр» қўшма корхонасида. – Менинг қизимни ҳам посилка келин қилиб Кореяга узат. – Навбатга ёзилинг! Ҳаммага ҳам корейс ...
13 май 2016
Ўқитувчиларга маош ўрнига берилаётган «жўжанинг давлат курси» бозор нархидан икки баравар қиммат экани ҳақида урғулайди Озодлик радиоси. Eltuz.com Нукус ...
18 январ 2019
Президент Мирзиёев мамлакатнинг хорижда музлатилган коррупция пулларини қайтариш ва чет эл сармояси киритишга жаҳд қиларкан, тағин Ўзбекистоннинг олдинги президенти ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...