UzPoster
23 феврал 2019

Пойтахтни кўчириш – маъқул таклиф

​​Эврил Туроннинг пойтахтни Жиззахга кўчириш ҳақидаги таклифини кўпчилик кулги остига олди, кимдир пахта қўйиш сифатида баҳолади. Менга эса таклиф анча жўяли туюлди.

Пойтахт кўчириш феномени катта янгилик эмас — бошқа давлатлар тарихида кузатилган ҳолатдир. Узоққа бормайлик, Қозоғистон эски Оқмўла шаҳарчаси ўрнига янги Остона шаҳрини қуриб, пойтахтни унга кўчирди. Туркияда ҳам пойтахт Анқарага олиб ўтилган эди ўз вақтида. Узоқроқ ўтмишга қарайдиган бўлсак, Пётр I Санкт-Петербургни бунёд этиб, унга пойтахтни олиб ўтганини эслаш мумкин.

Пойтахт кўчирилиши бизга нима беради?

1) Йирик шаҳарлар сонининг кўпайишига олиб келади. Тараққиёт асоси йирик шаҳарлар эканлигини инобатга олсак, шунинг ўзиёқ катта ютуқ.

2) Тошкент маданият маркази бўлиб қолса, сиёсат янги ташкил этиладиган ёки қайта қуриладиган бирорта шаҳарга кўчирилса, бу яшаш шароити юқори бўлган шаҳарлар сони битта эмас, иккита бўлади дегани. Яъни чироқ-газ ўчмайдиган, интернет узилиб қолмайдиган, миллионлаб одамларни сиғдирадиган иккита бирлик бўлади, катта-кичик компаниялар маҳсулот ва хизмат сотиши учун иккита катта бозор бўлади.

3) Тошкентга миграция босими камаяди, яъни чекка ҳудудлардан кўчиб келадиган фуқаролар битта эмас, иккита шаҳарга кўчади, ҳукумат қўрқадиган хаёлий коллапс эҳтимоли йўққа чиқади.

4) Давлат бир янгиланиб олади — жиддий ўзгаришлардан кейин омадсизликларни унутиб, янги ютуқларга интилишга сабаб бўлади.

Албатта, балки бу натижаларга эришишнинг осонроқ йўллари бордир, масалан, аҳолининг кўпчилигини пойтахтга кўчириш ёки бўлмаса, бир-иккита йирик шаҳарни янада йириклаштириш. Энди уёғини иқтисодчиларга қўйиб бераман, юқоридаги ҳаваскорона фикрларим билан чекланаман ва ҳар доимгидай абсолют ҳақиқатга даъво қилмайман.

Эльдар Асанов,
Телеграмдаги «Асанов формати» блогери

Тағин ўқинг
20 март 2020
Кўчадан келиб, қўлимни кирсовун билан уч қайталаб ювдим. Кейин спирт билан чайдим. Кейин лимон сиқиб, суви билан юз қўлимни ишқаладим.  ...
3 август 2018
Тошкентда Йўл ҳаракати хавфсизлиги нозирлари йўлда рўмолли ҳайдовчи аёлларни тўхтатиб, уларга чора кўраётгани ҳақида хабар тарқалди. Рассом Туз Ўзбекистондаги ...
12 декабр 2019
Гулнора Каримованинг Лондонда яшаётган қизи Имон Каримова Instagram саҳифасида онаси устидан бораëтган терговга оид янги маълумотни эълон қилди. Унинг ёзишича, Гулнора ...
5 июл 2019
“Ёшим етмишдан ошди. 50 йилдан ортиқ ҳайдовчилик тажрибам бор. Лекин пешонада бор экан, неварам тенгилар билан яна ҳайдовчиликка ўқияпман”. ...
Блоглар
10 август 2020
Коронавирус кундалиги Қизимнинг қўғирчоғи билан уйда ёлғизмиз. Иккимиз ҳам бир одамчани соғинаяпмиз. Фақат қўғирчоқ йиғлай ...
7 август 2020
Қишга тайёргарлик. Помидор ва қалампирни ўзим етиштириб, қуритиб, ипга ўтказиб деворга илдим. Кўўп бонкаям беркитганмиз. ...
5 август 2020
Мирзиёев бошқарувида ташқи сиёсатда, бир томондан, Россия ва унинг геосиёсати билан боғлиқ муносабатлардаги миллий манфаатлар ...