Асосий мавзулар
10 декабр 2019

«Элтуз»га мактуб: Масжид тинч

Ўзбекистон мусулмонлари идорасида раис ўринбосари бўлиб ишлаган Дилшодбек Ҳошимов ушбу муассасага Жаслиқ қамоқхонаси мулозимлигидан келган эди. 

Д.Ҳошимов Жаслиқда катта нозир бўлган. У жорий қилиб кетган аҳмоқгарчиликларидан биттаси ҳар куни эрталаб соат саккизгача “масжид тинч”, деб вакилликка телеграм орқали хабар юбориш эди. 

Бу аҳмоқгарчилик кейинчалик Дилшодбек Ҳошимов ишдан олиниши баробарида бекор қилинди. Лекин Чилонзор ва Олмазор туманларида ҳалигача давом этяпти. 

Фото: мактуб эгасидан

Чилонзорда Эргашбой домла, Олмазорда Садриддин домла бу каби аҳмоқгарчиликларни орган ходимларидан ҳам орттириб бажаришади. 

Масжид ибодат макони, энг тинч жой бўлса, орган ёки ҳарбий объект бўлмаса, шу ишни ҳар куни қилиш шартмикин? Ҳатто жиноятчи, энг рецидивист шахслар ҳам масжидни ҳурмат қилади. 

Қачон бироз кеч қолиб кетилса, дарров ваҳима қилишади. Эргашбой домла ишдан бўшатиш, чора кўриш билан таҳдид қилса, Садриддин қиёматда жавоб берасан, дейди. Масжид тинч, деб хабар бермаган одам шу хусусда қиёматда ҳам сўроқ қилинар экан. 

Ёки бўлмаса, Олмазор туманидаги Исломобод масжидида Рамазон ойида бундан бир неча йил аввал МХХчилар ўзлари уюштирган қотиллик фитнасини рўкач қилишади. 

Милиция анча-мунча нарсага масжид учун кўз юмса ҳам Эргашбой домла ва Садриддин ваҳима қилади. Худди қирқ йилдан бери уруш бўлаётган юртдек, ваҳимасидан, ҳар иккисининг дўқ-пўписасидан жуда тўйдик.

Чилонзор тумани имомларининг телеграмдаги гуруҳига туман ДХХси бошлиғи Абдурашид Қаюмов, ДХХ туман бўлими ходими Саъдулло, туман ИИБ терроризмга қарши курашиш бўлими ходими Умид ва ҳокимиятдан ҳам бир ходим қўшиб қўйилганига нима дейсиз? 

Илтимос, шуни пост қилиб чиқарсангизлар. Зора, бу каби беҳуда ташвишлардан қутулсак… Олдиндан раҳмат!

Тағин ўқинг
14 август 2019
Бир гуруҳ фаолларнинг 13 август куни шоир Маҳмуд Ражаб ҳимоясига норозилик намойиши ўтказишни сўраб Хоразм вилояти ҳокимига, вилоят ИИБ ...
16 август 2018
Дунёда энг узоқ муддат қамоқда ўтириб чиққан 64 ёшли журналист Муҳаммад Бекжон «Алвидо, Жаслиқ!» китобининг навбатдаги бобида бир кишилик ...
23 май 2018
Ўзбекистонда 2017 йилги пахта йиғим-терими мавсумида болалар меҳнатидан фойдаланиш жуда сезиларли даражада камайганига қарамай, мажбурий меҳнатдан фойдаланиш кўлами кенглигича ...
14 декабр 2020
Тошкентдаги COVID-19га чалинганлар учун махсус қурилган Зангиота-2 шифохонасидаги касаллар ярмига қисқаргани айтилмоқда. «Беморлар камайгани» сабабидан шифохона ходимларининг ойлиги камайтирилган. ...
Блоглар
23 ноябр 2021
Янги миллий кутубхона қурилиши (янги миллий театр қурилиши ҳам) янги ва яп-янги Ўзбекистондаги энг кераксиз ...
21 ноябр 2021
Сиëсатчи бўлиш¸ сиëсатга кириш бугунги Ўзбекистонда бошни кундага қўйиш билан баробар. Бу ҳақда Жаҳонгирга ëзувдим ...
11 ноябр 2021
Халқаро журналист «Агнешкахон воқеаси» кўп саволларга жавобларни очиб берди. Келинглар, жонажон аккредитациядан бошлаймиз. Айнан уларни ...