Кундалик
22 май 2016

Туркманфилм киностудияси раҳбари ишдан ҳайдалди

Ўғузхон номидаги Туркманфильм киностудияси бошлиғи Сапармуҳаммад Жоллиев ўтган ҳафта “ишда йўл қўйган камчиликлари” сабабли ишдан бўшатилди.

Бу ҳақда Туркманфилм киностудиясидаги манбалар ва мамлакат ташқарисидаги Гундўғар нашри ҳабар берди.

Таниқли туркман киночиси ва айни пайтда мамлакат кино саноати раҳбарини ишдан бўшатиш таклифи Туркманистон президенти Қурбонқули Бердимуҳаммедов тарафидан илгари сурилди.

Кино раҳбарининг ишдан бўшатилиши жамоатчилик орасида ва ижтимоий тармоқларда турли йўримларга сабаб бўлди.

Кино соҳасига яқин бўлган манбалар Жоллиевнинг ишдан бўшатилиши ортида “Туркманфилмда мамлакат раҳбарини улуғлайдиган, Орқадоғ сиëсатининг ҳаëтдаги самарасини кўрсатган кино олмаганлиги”билан боғлиқ “сабаб” ëтибди дейишмоқда.

Туркманистон президенти ўз “сиëсати боис халқнинг ҳаëти яхшилангани ҳақида” кинолар ишланишини кутган.

Манбаларнинг айтишича, Туркманистонда ишланган киноларни томоша қилган Қурбонқули Бердимуҳаммедовнинг “ҳафсаласи пир бўлган”.

Бундан олдин Туркманистон президенти мамлакатдаги телеканаллар бошлиқларини айни айб, яъни “сиëсатнинг ижобий самарасини” кўрсата олмаганликда айблаб ишдан бўшатган эди.

Сапармуҳаммад Жоллиевнинг ишдан бўшатилишига келсак, бу воқеа борасида туркман расмий матбуотида бирор сатр маълумот йўқ.

Шу ўринда Туркманфилм киностудиясининг матбуот ҳизматининг веб сайти ҳам йўқлигини айтиш лозим.

Шу боис раҳбар алмашинуви борасида соҳа мутаҳасисларининг расмий кўз қарашини ўрганишнинг имкони йўқ.

Интернетдаги Youtube порталида Ўғузхон номидаги Туркманфилм киностудиясида суратга олинган бир қатор киноларни томоша қилиш мумкин.

Туркманфилмдан ташқари мамлакатда “Туркман овози” телеканали ҳам киноларни суратга олиб келади.

Кейинги пайтда суратга олинган киноларнинг савияси пастлиги борасида киномунаққидлар фикри бир жойдан чиқади.

Расмий Ашҳобод назоратидан четда бўлган ижтимоий тармоқларда эса Туркманистонда бир вақтлар илғор бўлган кино саноати олдинги марҳум президент Сапармурод Ниëзов даврида вайрон қилинганлигини ëзишмоқда.

Шу кунларда ишдан олинган Сапармурот Жоллиев ўз вақтида туркман киносини дунëга таинтган кинорежисер, Туркманистон ССР да ҳизмат кўрсатган артист Ортиқ Жоллиевнинг ўғлидир.

Перхат Мередов
Eltuz.com, Ашхобод

Тағин ўқинг
8 август 2018
Рассом Туз бугун эътиборни Россия пропагандасининг «қонхўр энага» фожиасидан Марказий Осиё муҳожирларига қарши фойдаланаётгани мавзуига қаратади. Рассом Туз 2016 ...
10 май 2021
Олмалиқ шаҳрида солиқчилар ёймачилик ортидан тирикчилик ўтказаётган аёлларни судра-судра қилгани ортидан кўтарилган шов-шувдан сўнг воқеа иштирокчилари Давлат солиқ қўмитасининг ...
11 ноябр 2023
Элтуз порталига келган навбатдаги бешта шикоят мактубни ўқиб эшиттирамиз. Улар Ўзбекистоннинг Сурхондарё, Фарғона, Тошкент, Андижон ва Қашқадарё вилоятларидан келган. ...
11 апрел 2020
Демократия ҳоким бўлган давлатларда ирқчилик ва антисемитизм (яҳудийларни ёмон кўриш) қаттиқ қораланади. Қора танлини «негр», лотинамерикаликни «латинос», яҳудийни «лаънати ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...