Кундалик
21 июн 2022

Элтуз таҳририяти иддаолари тасдиқланмаган мақолани олиб ташлади

Элтуз таҳририяти шу йилнинг 23 февраль куни эълон қилинган “Алламжонов 4.2 млн $ тиллани чегарадан қандай олиб ўтди?” сарлавҳали мақоласидаги иддаолар тўлиқ тасдиғини топмагани важидан мақолани Элтуз сайти ва ижтимоий тармоқлардаги барча саҳифа ва каналларидан олиб ташлаганини маълум қилади. Таҳририят мақолани қайта чоп этган нашрлар, жумладан, Ўзметроном сайти ҳамда унга Твиттердаги саҳифасида ҳавола берган “Чегара билмас мухбирлар” ташкилотини ўз қароридан расман хабардор қилди. Мақолани бўлишган бошқа нашр ва аккаунтларнинг кўпчилигига бу борада расмий билдирги йўлланди. Ушбу баёнот билан мақолани чоп этишдан ҳеч бир шаклда ҳеч бир шахсни обрўсизлантириш ёки унга туҳмат қилиш қасд этилмаганини таъкидлаган ҳолда уни бўлишган, қайта чоп қилган бошқа нашр, канал ва саҳифа эгаларидан мақолани олиб қўйишларини сўраймиз. Мақоладаги иддаоларни қайта текшириш жараёнида биз билан ўзаро тушуниш асосида ҳамкорлик қилган томонлар, нашрлар ва якуний қароримизни ҳурмат қилган Элтуз ўқувчиларига ўз миннатдорчилигимизни билдирамиз. Таҳририят Германия қонунчилиги асосида суд томонидан тайинланиши мумкин бўлган жаримани тўлашга тайёрлигини билдиради. Шунингдек, таҳририят репутацион зарар учун мақолада кўрсатилган шахс Комил Алламжоновдан узр сўраган холда, унинг Ўзбекистонда сўз эркинлигини таъминлаш йўлидаги саъй-ҳаракатларига омад тилайди

Элтуз жамоаси.

Тағин ўқинг
19 март 2019
Президент Мирзиёев 15 март кунги фармони билан прокуратура идораларидаги 1 198 штатни қисқартирди. Бу ҳақда Адлия вазирлиги хабар берди. ...
24 декабр 2018
Ўзбекистон фуқаролик жамиятининг бир гуруҳ фаоллари Zeromax GMBH кредиторларининг Гулнора Каримованинг ноқонуний активларини товон сифатида олиш ҳаракатлари кучайганидан хавотир ...
30 апрел 2019
«2006 йилнинг ўрталаридан бошлаб Ўзбекистондаги ҳамма зоналар бошлиқлари биринчи ёрдамчиси этиб МХХ вакиллари тайинланади. Бунга 2005 йил май ойида ...
15 сентябр 2015
Ушбу сухбатни эътиборингизга хавола этишдан олдин хозирги кунда жахон хамжамиятининг эътиборини тортаётган холат, «Узбекистонда мажбурий мехнат» ва «пахта сиёсати» ...
Блоглар
15 август 2022
Таниқли сиёсат арбоби ва шоир Мухаммад Солиҳ суҳбатининг давомида севимли аёли Ойдин хоним билан кечирган ...
10 август 2022
Таниқли сиёсат арбоби ва шоир Мухаммад Солих билан май ойида ўтказилган бу суҳбат бевосита Элтуз ...
20 июл 2022
Ўзбек халқи кимга, қайси режимга қарам бўлиб келган эдики, энди у ўзини озод, эркин миллат ...