Muhammad Solih Turkiyada mukofotlandi

Turkiyaning Yalova (Yalova) shahar savdo-tijorat va sanoat palatasi o‘zbek shoiri va siyosatchisi Muhammad Solihni «turk dunyosini birlashtirish uchun qo‘shgan hissasi uchun» mukofotladi.  Mukofot Muhammad Solihning Yalovada bo‘lib o‘tkan turk siyosatchilari uchrashuvida qilgan ma'ruzasi ortidan berildi. Ma'ruzada Muhammad Solih jug‘rofik va tarixiy jihatdan yaxlit bo‘lgan Markaziy Osiyo siyosiy integratsiyasi haqida to‘xtaldi. 

Yalova Turkiyaning shimoliy g‘arbi Marmar dengizi soxilidagi termal chashma buloqlarga ega kurort shahridir. 

Muhammad Solih 1992 yildan beri Turkiyada yashab ijod qilib keladi. Muhammad Solih joriy prezident Rejab Toyib Erdo‘g‘on va bundan oldingi Turkiya rahbarlari Najmiddin Erboqon¸ Abdulla Gul¸ Alp Arslon Turkash va Ejevet kabi siyosiy arboblar bilan yaqin do‘stdir. 

O‘z vaqtida Alp Arslon Turkash O‘zbekistonning o‘sha vaqtdagi prezidentiga maktub yozib, Solihni «turk dunyosining yetakchi siyosatchisi» deya atagan edi.