Asosiy mavzular
21 oktyabr 2016

Jurnalistlar saylovni qanday yoritishga o‘rgatilmoqda

«Xalq so‘zi» gazetasi (19.10) O‘zbekistonda 4 dekabrda bo‘lib o‘tadigan prezident saylovi kampaniyasida ishtirok etayotgan jurnalistlar uchun amaliy seminar o‘tkazilgani to‘g‘risida xabar berdi.

Maqola O‘zbekistonning birinchi prezidenti Islom Karimov «rahnamoligida mamlakatda huquqiy demokratik davlat va erkin fuqarolik jamiyati barpo etish borasida amalga oshirilgan islohotlar natijasida demokratik standartlarga to‘la mos bo‘lgan saylov tizimi yaratilgani»ni iddao qilish bilan boshlanadi.

Keyin esa saylovchilarning huquqiy madaniyatini yuksaltirish bo‘yicha qabul qilingan tadbirlar dasturini amalga oshirishda ishtirok etayotgan tashkilotlar nomi sanab o‘tiladi. Ular orasida hukumatning aytganidan bir qadam ham chiqmaydigan Oliy Majlisning inson huquqlari bo‘yicha vakili, «Kamolot» yoshlar ijtimoiy harakati, Xotin-qizlar qo‘mitasi, «Mahalla» fondi kabilar bor.

Demak, ular saylovchilarning huquqiy madaniyatini hukmron doira manfaatlariga moslab yuksaltiradi, oddiyroq aytganda, ma'muriy resurs vazifasini bajaradi, degan xulosa uchun zamin bordek nazarimizda.

Shuningdek, maqolada saylov kampaniyasi boshlangandan beri O‘zbekiston OAVda 4,5 mingga yaqin material e'lon qilingani, Markaziy saylov komissiyasi tomonidan mahalliy va xorijiy OAVning 500 dan ortiq vakili akkreditatsiyadan o‘tkazilgani bildirilgan.

Biz ham baholi qudrat OAVdagi saylov bilan bog‘liq materiallarni kuzatib borishga harakat qilyapmiz. E'tiborli jihati shuki, ular deyarli bir xil mazmunda bo‘lib, prezidentlikka nomzodlar haqida (faqat «eng munosib nomzod»dan tashqari, albatta) biror yangi gap topa olmaysiz.

Saylovoldi kampaniyasi deb ko‘p yozilayotgan bo‘lsa-da, bechora partiyalar o‘z nomzodlarini (yana o‘sha bitta «eng munosib nomzod»dan boshqalari haqida gap bormoqda) ochiq-oydin targ‘ibot-tashviqot qilishga kimdandir hayiqayotgandek taassurot uyg‘onmoqda.

Bu yoqda saylovni yoritishga o‘rgatilayotgan jurnalistlar esa «demokratik saylov tizimimiz»ni maqtashdan nariga o‘ta olmayapti. Balki mas'ullar ularni faqat shu narsaga o‘rgatayotgandir faqat. Yana kim biladi deysiz…

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
18 may 2021
“Eltuz”ga yaqin va bir-biridan mustaqil manbalarning xabar berishicha, O‘zbekistonga go‘yoki yirik investitsiyalarni amalga oshirish uchun kirib kelgan oligarx Fattoh ...
22 dekabr 2015
Amnesti tadbirlari doirasida Shvetsiya maktablarida Muhammad Bekjon ozodligiga bag‘ishlangan installyatsiyalar o‘rnatildi. “Gimnaziyamizning qorong‘u bir burchagida panjaralar o‘rnatdik, panjara ortiga ...
9 aprel 2019
Rasmiy Toshkent O‘zbekiston xalq harakati (O‘XH) lideri Muhammad Solihning qarindoshlari ortidan ta'qibni qaytadan boshladi. Xususan, 2019 yilning 7 aprel ...
28 mart 2019
1797 yili AQShda dunyodagi ilk kir yuvadigan mashinaga patent olindi. Shu tariqa bundan 219 yil avval insoniyat, xususan, ayollarning ...
Bloglar
15 avgust 2022
Taniqli siyosat arbobi va shoir Muxammad Solih suhbatining davomida sevimli ayoli Oydin xonim bilan kechirgan ...
10 avgust 2022
Taniqli siyosat arbobi va shoir Muxammad Solix bilan may oyida o‘tkazilgan bu suhbat bevosita Eltuz ...
20 iyul 2022
O‘zbek xalqi kimga, qaysi rejimga qaram bo‘lib kelgan ediki, endi u o‘zini ozod, erkin millat ...