Toshkent metrosi qurilishida qurbon bo‘lganlar ismlari ochiqlandi

Favqulodda vaziyatlar vazirligi metro qurilishi paytida ko‘chki oqibatida halok bo‘lgan olti nafar shaxsning ismlarini e'lon qildi. Ularning to‘rttasi Qashqadaryoda, ikkitasi Samarqand viloyatida tug‘ilgan.

Oltinchi quruvchining jasadi payshanba kuni ertalab topildi, deya xabar beradi «Gazeta.o‘z» hukumat va huquq-tartibot idoralaridagi manbalarga tayanib.

1. Abdullaev Oybek To‘ra o‘g‘li (1989 yilda tug‘ilgan, Qashqadaryo viloyati, Shahrisabz tumani, Beshkapa qishlog‘ida yashagan);

2. Ravshanov Jonibek Islom o‘g‘li (1989 yilda tug‘ilgan, Qashqadaryo viloyati, Shahrisabz tumani, Beshkapa qishlog‘ida yashagan);

3. Abdullaev Davronbek Botirovich (1999 yilda tug‘ilgan, Qashqadaryo viloyati, Shahrisabz tumani, Beshkapa qishlog‘ida yashagan);

4. Diyorov Anvar Normurodovich (1986 yilda tug‘ilgan, Qashqadaryo viloyati Yakkabog‘ tumanida yashagan);

5. Rahmatov Ixtiyor Amriddin o‘g‘li (1996 yilda tug‘ilgan, Samarqand viloyati, Oqdaryo tumani, Farmonobod qishlog‘ida tug‘ilgan);

6. Karimov Zarif To‘lqinovich (1981 yilda tug‘ilgan, Samarqand viloyatining Pastdarg‘om tumanida yashagan).

Hukumat komissiyasi topshirig‘i bilan har bir marhum oilasiga 100 million so‘mdan pul ajratildi. 18 dekabr kuni Toshkent metrosining Yunusobod liniyasini uzaytirish uchun boshlangan qurilish uchastkasidagi ochiq maydonchaga 250 kub metr hajmdagi tuproq qulab tushgan, dastlabki taxminlarga ko‘ra, jami 20 nafar quruvchi tuproq ostida qolgan edi.

Eltuz.com