Kundalik
7 aprel 2016

Xalq dushmani obrazi yaratilgan film targ‘ib etilmoqda

2005 yilning may oyidagi Andijon shahrida yuz bergan voqealar xaqida xikoya qiluvchi “Sotqin” filmi shu kunlarda Jizzax viloyatida keng namoyish qilinmoqda.

“Sotqin” va yana shu kabi targ‘ibot ruxidagi filmlar shu yilning 4 aprelidan Jizzaxda start olgan «Kim edigu kim bo‘ldik, ertaga qanday yuksak marralarni egallashimiz kerak?” deb nomlangan respublika miqyosidagi tadbirlar doirasida namoyish qilinmoqda.

rasm1124
“Sotqin” filmi viloyatning barcha tumanlarida namoyish qilinayapti

Taniqli shoir va yozuvchilar, kino va teatr aktyorlari xamda san'atkorlardan iborat bo‘lgan mehmonlar guruhi 9 aprelga qadar Jizzaxning barcha tumanlaridagi o‘quv yurtlariga tashrif buyuradi va maxalliy ommaviy axborot vositalari tili bilan aytganda “o‘quvchi va talaba yoshlarni umuminsoniy va milliy qadriyatlar, yuksak insoniy fazilatlar ruhida tarbiyalash, ularning ongi va qalbini mafkuraviy, ma'naviy va axborot tahdidlaridan ishonchli himoya qilish, ularda g‘oyaviy immunitet va faol fuqarolik pozitsiyasini shakllantirish maqsadida” ular bilan jonli muloqotlar o‘tkazadi.

Eski an'analar ruhida

Kommunistik davrning eng yaxshi an'analari ruxdagi bu tadbir O‘zbekiston Respublikasi Vazirlar Mahkamasining 2016 yil 22 yanvardagi “Madaniy-ma'rifiy va targ‘ibot ishlarini tashkil etishni yanada takomillashtirish chora-tadbirlari rejasi”ning ijrosi doirasida o‘takazilayotgani maxalliy matbuotda aytilayapti.

rasm1125
Tashviqotda ishtirok etish uchun poytaxtdan 75 dan ziyod mehmonlar kelgan

Tadbirda ishtirok etayotgan Jizzaxlik o‘qituvchining aytishicha bu film 4 apreldan buyon, birgina Jizzax shahridagi ta'lim muassasalarining 11 ming nafarga yaqin o‘quvchi va talaba-yoshlariga ko‘rsatilgan.

“Bu Jizzax shaxridan olingan raqam. Xali tumanlarimizdagi barcha maktab va kollejlarda xam “Sotqin” filmi namoishi 9 aprelgacha davom etadi. Andijonda bo‘lib o‘tgan qonli voqealar qanday sodir bo‘lganini ko‘rsatuvchi bu filmni yoshlar sevib ko‘rishyapti. Odam sig‘may ketayapti zallarga” deydi Jizzaxlik o‘qituvchi.

Tadbir doirasida bu filmdan tashqari rejisser Hilol Nasimovning “Gumrohlar” filmi xam keng namoyish qilinayotgani aytilmoqda.

“Xorijga chiqib olgan turli aqidaparastlar, Vatanimiz xoinlari, kindik qoni to‘kilgan bu yurtga g‘araz niyat bilan boqqan vatangadolarni gumrohlar sifatida ko‘rsatuvchi bu film xam yoshlarimiz tomonidan juda katta qiziqish bilan kutib olinayapti” deb xabar beradi bu xaqda Jizzax viloyat teleradiokompaniyasi o‘z dasturida.

Jizzaxning rasmiy nashrlari “Kim edigu kim bo‘ldik, ertaga qanday yuksak marralarni egallashimiz kerak?” tadbirida “jami 19332 nafar, shundan 11 256 nafar o‘quvchi yoshlar, kollej va litseylarda 6957 nafar, oliygohlarda 1119 nafar, talabalar ishtiroki ta'minlangani” xaqida xabar berdi.

Ulug‘bek Ashur
Eltuz.com

Tag‘in o‘qing
22 mart 2016
O‘zbekistonda 2015 yilgi paxta yig‘im-terimi mavsumida to‘plangan ma'lumotlar hukumat majburiy mehnatdan tizimli ravishda foydalanishga chek qo‘yish uchun zarur islohotlar ...
2 mart 2017
Avvaliga O‘zbekiston kasaba uyushmalari federatsiyasi saytida bosilgan quyidagi maqola juda dolzarb bo‘lgani sababli mamlakatdagi bir necha norasmiy internet gazetalarda, ...
8 yanvar 2019
Toshkentda mashinalarga quyiladigan metan gazning narxi 1950 so‘mdan 2200 so‘mga ko‘tarildi. Buni ko‘pchilik qo‘shimcha qiymat solig‘i (QQS) olish boshlangani ...
13 fevral 2019
Hukumat tili bilan tadbirkorlik rivoji uchun turli imtiyozlar va yengilliklar berilayotganini ovoza qilayotgan bir paytda qo‘li bilan ishbilarmonlarning bo‘g‘zidan ...
Bloglar
20 oktyabr 2020
Bundan o‘n yil ilgari poytahdagi o‘rtacha ikkita amaldor tushlikka bir milyonga yaqin pul sarflashini eshitib ...
15 oktyabr 2020
O‘nta roman yozay, ellikta she'riy to‘plamim nashr etilsin, yozganlarim dunyoning barcha yirik tillariga tarjima qilinsin, ...
24 sentyabr 2020
So‘nggi paytlarda mendan endi migrantlarning taqdiri qanday bo‘lishi haqida tez-tez so‘rashmoqda. Ayrimlar Rossiyadan qaytayotgan ishsiz ...