Dayjest
26 iyul 2016

Tunnel bahona Oqsaroyga yo‘nalgan paxtalar

Qamchiq dovonidagi tunnel bahona Oqsaroyga yo‘nalgan paxta oqimi yanada kuchaydi. Butun O‘zbekiston matbuoti bugun shu qurilishni amalga oshirganlarga emas, ularga «rahnamolik» qilgan yurtboshi sha'niga hamdu sano aytish, unga «paxta qo‘yish» poygasida oldingi safda bo‘lishga intilish bilan ovora.

Avvaliga jurnalistlar oddiy odamlaru turli darajadagi deputatlar tilidan matbuotni shunday hamdu sano bilan to‘ldirdi. Shoiru yozuvchilar qarasa, bayroq boshqalarga ketadigan ko‘rinadi. Shuning uchun otni qamchilay boshlashdi.

«O‘zbekiston adabiyoti va san'ati» gazetasi otni qamchilagan ana shunday «chavandoz paxtakor»ning maqolasini e'lon qildi.

Maqola O‘zbekistona ishlab chiqarilayotgan mashinalar ta'rifi bilan, bugun ularning «xaridorgirligi oshsa oshib, sira tushmayotgani», «eksport salohiyati ham yil sayin oshib borayotgani» to‘g‘risidagi kichkinagina yolg‘on bilan boshlanadi.

Keyin esa: «Bir zamonlar Kavkaz tomonlarga borganda 50-60 metrlik tunnellarni ko‘rib hayratlanardik. Bugun o‘zimiz uncha-muncha emas – 19,2 kilometrlik tunnel barpo etdik»,  deb g‘ururlanadi muallif.

Maqoladan ko‘zlangan asl maqsadga sal keyinroq o‘tiladi. «Sohibqiron bobomiz «Qudratimizga shubhangiz bo‘lsa, biz qurgan boqing, deb bejiz aytmagan… Islom Karimovning bevosita rahbarligi va tashabbusi bilan biri biridan mahobatli… saroylar, mehmonxonalar, yodgorliklar, ko‘priklar, yo‘llar bunyod etilmoqda. Shularga qarab turib, Amir Temur bobomizning yuqorida keltirilgan so‘zlarini bugun ham bemalol aytish mumkin…», deydi muallif.

Buni soddaroq tilga o‘girsak, «Qudratimizga shubha qilsangiz, Islom Karimov rahnamoligida va tashabbusi bilan qurilgan inshootlarimizga qarang», bo‘ladi.

Yashang, hurmatli yozuvchi, deb ko‘nglini ko‘targing keladi muallifning. Chunki hozircha bayroq unda ketdi. Zero, «O‘zbekiston shunday davlat bugun – yaxshilarga havas qilish bilan birga boshqalarda havas uyg‘ota oladigan mamlakat»!

Eltuz.com

Tag‘in o‘qing
3 iyul 2020
Yomg‘irdan qutulib, do‘lga tutilishmi? O‘zbekiston paxta sektorini xususiylashtirish jarayonidagi xatarlar Power Briefs turkumining O‘zbekistondagi paxta sektorini xususiylashtirish jarayonida asosiy ...
24 noyabr 2023
Toshkentda o‘tgan hafta bo‘lib o‘tgan professional boks kechasi tadbirkor-mafiozi G‘ofir Rahimovga xalq nazaridan chetda qolmaganini ko‘rsatish uchun yaxshina bir fursat ...
7 sentyabr 2016
O‘zbek segmentida Karimov o‘limidan so‘ng agressiv trolling avj olarkan, ijtimoiy tarmoqda prezident Islom Karimov o‘limi fonida uning shaxsini ilohiylashtirish ...
23 dekabr 2015
Eltuz Mamadali Mahmudov bilan jurnalist Maloxat Eshonqulova qilgan videosuhbatning birinchi qismini e'tiboringizga havola qiladi.
Bloglar
23 yanvar 2025
O‘zbekiston mudofaa vaziri Xolmuxammedov bosqinchi gazanda Rossiya bilan 2026-2030 yillarda harbiy sohada strategik hamkorlik dasturi ...
20 yanvar 2025
O‘zbekiston prezidenti uyida yirtqich hayvon¸ ilon va xasharotlarni boqadiganlar jazolanishi haqidagi qarorni 16 yanvar kuni ...
12 yanvar 2025
Turli mavzularga o‘z qarashi bilan farqlanadigan bloger Kirpi Prezidentning 380-sonli qarori asosida 1000ta kitobning o‘zbek ...