Asosiy mavzular
27 oktyabr 2016

O‘zbek kinosi darg‘asi Melis Abzalov Shvetsiyada dafn etildi

26 oktyabr kuni 78 yoshida vafot etgan taniqli kinorejiser Melis Abzalovning janozasi Stokholmning Kungsengen bo‘lgasida joylashgan musulmon qabristonida o‘qildi.

Mashhur kinorejisser Melis Abzalovning o‘g‘li ancha yillardan buyon Shvetsiyada yashayotgan Jaloliddinning bildirishicha, so‘nggi bir yil mobaynida Shvetsiyada qolgan otasi Melis Abzalovning so‘nggi istagi uni farzandlari yonida qoldirishlari bo‘lgan.

rasm4035
Nazira Abzalova, bugungi kunda ota izidan bormoqda

Bugungi kunda taniqli rejisserning ikki qizi va bir o‘g‘li, yettita nabirasi va oltita evarasi Shvetsiyada istiqomat qiladi.

Uning o‘g‘li Jaloliddin va kenja qizi Nazira ota kasbini tanlab Toshkentdagi Teatr va rassomlik institutini tugatishgan.

Qizi Nazira Abzalova kino aktyorligi soxasini tanlagan, u bugungi kunda Shvetsiyada bir qancha kichik loyixalarda ishtirok etayotganini aytadi.

“Dadam qattiq qarshi bo‘lgan aktrisa bo‘lishimga. Agar bu yo‘lni tanlaydigan bo‘lsang, men senga hech qanday yordam bermayman degan. U uzoq vaqt ishonmagan mendagi ishtiyoqning kuchli ekanligigiga”, deydi bugungi kunda otasining izidan borayotgan Nazira.

rasm4033
Jaloliddin Abzalov, kinorejisserning to‘ng‘ich farzandi ham bugun Shvetsiyada yashaydi

O‘g‘li Jaloliddin Abzalov mutaxassisligiga ko‘ra postanovkachi rassom, “O‘zbekfilm” tomonidan ishlangan bir qancha filmlarning dekoratsiyalarini tayyorlashda uning mehnati singan.

“Dadamlarning hayotlari to‘laqonli bo‘lgan. Biz ham otamizning izidan bordik. U o‘z farzandlarini ta'lim berdi, oliy ma'lumotli qilib yetishtirdi. Unga Shvetsiyaning go‘zal iqlimi yoqdi, umrining so‘ngini farzandlari yonida kechirishni istadi”, deydi Jaloliddin.

Janozaga tashrif buyurganlar orasida umrining so‘nggi yillarida kinorejisser qalin do‘st tutingan shvetsiyadagi Turkiston jamiyati raisi Farruh Sodiqovni uchratdik.

rasm4034
Farruh Sodiqov, Shvetsiyadagi Turkiston jamiyati raisi, Abzalovning jonajon do‘sti va qudasi

“U bilan yaqindan tanishligimiz Shvetsiyada boshlandi, qarindosh bo‘ldik, o‘g‘lim uning o‘rtancha qizi Lolaga uylandi. Uni men madaniyatli va kamtar inson sifatida tanidim, birga nabiralar ko‘rdik”, deydi uning qudasi va qiyomatlik do‘sti Farruh Sodiqov.

Shvetsiya poytaxtida o‘tgan janoza marosimida, mashxur kinorejisserning Shvetsiyadagi yaqin qarindoshlari va 50 dan ziyod yor do‘stlari, shvetsiyadagi o‘zbek jamiyati vakillari ishtirok etishdi.

O‘zbekiston rasmiy matbuotida esa, “Kelinlar qo‘zg‘oloni”, “Suyunchi”, “Chinor ostidagi duel”, “Maysaraning ishi”, ” O‘tgan kunlar”, “Chimildiq”, “Armon” filmlari bilan tanilgan kinorejisser Melis Abzalov o‘limi haqida deyarli eslanmadi

eltuz.com

Tag‘in o‘qing
19 yanvar 2016
Yetti yildan buyon qamoqda qolayotgan inson huquqlari himoyachisi G‘aybullo Jalilov og‘ir ahvolda Sangorodga o‘tkazilgan. Bu haqda Eltuzga mahkumning hamkasbi ...
26 dekabr 2017
26 dekabr kuni mahkum jurnalist Bobomurod Abdullaev bilan uchrashgan advokat Sergey Mayorov Abdullaev uning himoyasidan voz kechganini “Eltuz” muxbiriga ...
7 aprel 2015
Qudrat Bobojon Biz har kuni xabarlar olamiz, mamlakatda kun sayin demokratiya zaiflashayotgani, diktatura kuchayib borayotgani haqida.  Ehtimol, oddiy avom ...
23 iyul 2018
“Arsenal” klubi yarim himoyachisi, 29 yoshli Mesut O‘zilning turk ekanligi Germaniyaning jahon chempionatidagi omadsizligi bois, uning yuziga solindi. «Agar ...
Bloglar
7 avgust 2020
Qishga tayyorgarlik. Pomidor va qalampirni o‘zim yetishtirib, quritib, ipga o‘tkazib devorga ildim. Ko‘o‘p bonkayam berkitganmiz. ...
5 avgust 2020
Mirziyoev boshqaruvida tashqi siyosatda, bir tomondan, Rossiya va uning geosiyosati bilan bog‘liq munosabatlardagi milliy manfaatlar ...
4 avgust 2020
O‘zbekistonda turli matnlarda, kontekstlarda, hatto rasmiy hujjatlarda ko‘p ishlatiladigan “buyuk ajdod” tushunchasidan voz kechish kerak, ...