Oqilov Stokgolmdagi mahfiy masjidga qatnagan

Raxmat Aqilov Shvetsiyaga kelguniga qadar ham radikal kayfiyatda bo‘lganini yozadi shved nashrlari. Foto: expressen.se

U Shvetsiyaga 2014 yili Turkiya orqali kelgan. Stokgolmga kelganidan so‘ng u IShIDga aloqador shaxslar bilan uchrashgani haqida bildiradi Yexpressen nashri o‘z manbalariga tayanib.

Hujumdan ikki hafta ilgari u, Stokgolm chekkasida faoliyat ko‘rsatayotgan masjidda, bir nechta rekrut yollovchilari bilan uchrashgan.

Expressen nashriga ko‘ra, ayni kvartira faqat maxsus taklif qilinganlar uchungina ochiq bo‘lgan va u yerda Suriyadagi terror harakatiga odam yollangan.

Shuningdek, Reuter axborot agentligi, Oqilovga O‘zbekistonda qidiruv e'lon qilingani va uning Suriyadagi IShIDga qo‘shilishga uringani haqida yozgan edi.

Bundan tashqari uning, qalloblik yo‘li bilan o‘z o‘rniga odam ishlatgani haqidagi faktlar ochiqlanmoqda.

Eltuz muxbiriga jumladan, Scandiya otelida Raxmat Aqilov nomidan bir o‘zbekistonlik bir necha yil ishlagani xaqidagi ma'lumotlar kelib tushgan.

Otel ma'muriyati «bu xizmat» uchun Aqilovga, jami 360 ming kron (40 ming dollar atrofida) ish haqi to‘lagani haqida bildirgan.

7 aprel kuni, Raxmat Oqilov yuk mashinasida Stokgolm markaziy ko‘chasi Drottninggatanda bir necha odamni bosib ketgan va Åhlens cavdo markazi binosiga borib urilgan edi.

So‘nggi ma'lumotlarga ko‘ra to‘rt nafar odam, jumladan 11 yashar qizaloq halok bo‘lgan, 15 odam jarohatlangan.

Eltuz.com