Asosiy mavzular
17 iyul 2018

Podpolkovnikning qamalishi MXX sirlarini fosh qilmoqda

Milliy xavfsizlik xizmatining Afg‘onistondan o‘tgan 405 kilogramm narkotikni saqlashda ayblanib, 2016 yili 20 yilga qamalgan 42 yoshli podpolkovnigi Bahrom Suvonovning yaqinlari uni aslida MXX ichidagi guruh o‘z jinoyatlarini yashirish uchun qamoqqa tashlashganini aytishmoqda.

O‘g‘lining qamalishiga olib kelgan 2016 yilning bahoridagi voqeani uning otasi Xursand Suvonov bunday talqin qiladi:

«G‘ulomovchilar asli katta bir guruh. Ular qotillik, Afg‘onistondan narkotik, qurol olib o‘tish bilan shug‘ullanishgan. Bu sirlarni o‘g‘lim bilgan».

2016 yilning aprelida uning o‘g‘li Afg‘oniston chegarasidan O‘zbekistonga olib o‘tish uchun chegaradagi to‘qayzorga ko‘mib qo‘yilgan katta partiyadagi salkam yarim tonna giyohvandlik moddasini topadi.

Uni yo‘q qilish uchun hujjat rasmiylashtiradi. Biroq Xursand Suvonovning o‘g‘lidan iqtibos keltirishicha, o‘g‘lining hamkasblari narkotik moddalarni kelasi 2017 yilga qadar saqlashni lozim ko‘rishgan.

Keyinchalik jinoyatni o‘zlaridan soqit qilish va Bahromning bo‘yniga ilish uchun uni qamab, og‘ir qiynoqlarga solishgan.

“Prezidenting hech narsa qilolmaydi. Buning boshida Nodir To‘raqulov turibdi, deyishgan o‘g‘limga”, deydi Bahromning otasi o‘z o‘g‘lidan iqtibos keltirib.

Bahromning yaqinlariga ko‘ra, xavfsizlik xizmati xodimlari ularning o‘g‘li qamalganini bir oy davomida yashirib kelishgan. Ularga o‘g‘ling xizmat safariga ketgan, deb aytishgan.

”Hukmda 13 iyunda qamoqqa olingani katta harflar bilan yozib qo‘yilgan, lekin u 19 mayda qamoqqa olingan”, deydi Xursand Suvonov.

Uning iddaosiga ko‘ra, o‘g‘lini yashirishga bo‘lgan harakat ortida uni o‘ldirib yo‘q qilish niyati yotganini anglatadi.

Eltuz.com

Tag‘in o‘qing
13 dekabr 2021
Nihoyat, ma'naviy ruhiy bo‘shliqda ekanmiz, ratsional fikr egalari tomonidan e'tirof etila boshlangach, ko‘pchilik o‘z holatini tushinib olsa kerak. Adabiyot ...
19 fevral 2021
Bu mushuk miyovlashni bilmaydi Chunki miyovlashni unga hech kim o‘rgatmagan. U hurrillaydi, xolos. Bu mushuk har tong Balkondan turib ...
27 sentyabr 2018
«Abdulhamid Cho‘lponni ottirishda faol ishtirok qilgan o‘zbek yozuvchi va shoirlari Abdulla Qahhor, G‘afur G‘ulom va Hamid Olimjon O‘zbekistonda hali ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...