MXX qamog‘idagi jurnalist yaqinlari bilan uchrashdi

9 yanvar kuni MXX tergov hibsxonasida uch oydan ortiq qolayotgan jurnalist Bobomurod Abdullaev xotini, onasi va farzandlari bilan uchrashdi.

Abdullaevning xotini Quttiqiz Balxiboeva uchrashuv tafsilotlari haqida «Eltuz» muxbiriga intervyu berdi.

Uning so‘zlariga ko‘ra, qamoqda qolayotgan jurnalistning farzandlari va onasi bilan uchrashuvi yarim soatdan kamroq davom etgan.

MXX xodimi ishtirokida o‘tgan uchrashuvda ular tergov tafsilotlari haqida gaplashishmagan.

Uchrashuv 4 yanvar kuni Abdullaevning onasi Gavhar Madaminovaning prezidentga videomurojaatidan besh kun o‘tib amalga oshgan.

MXX xodimi tergov xulosasi, shuningdek, sud belgilanadigan kun haqida ularning advokatiga ma'lum qilinishini bildirgan.

Biroq Balxiboeva haligacha Abdullaevning advokati yo‘qligini aytmoqda.

Bobomurod Abdullaev Milliy xavfsizlik xizmati xodimlari tomonidan shu yilning 27 sentyabrida o‘g‘irlab ketilgan. Oradan uch kun o‘tib, 1 oktyabr kuni uning hokimiyatni ag‘darishga urinishda ayblanayotgani ma'lum bo‘lgan edi.

Video: https://youtu.be/OJil96SX1pE

Eltuz.com