Asosiy mavzular
21 fevral 2021

Berdimuhamedovning qarindoshini musobaqada yenggan o‘zbek o‘ldirildi

Turkmanistonda 14 yoshli dzyudochi Sulaymon Tursunboev jangda prezidentning qarindoshiga «yutqazib berish»dan bosh tortgani uchun o‘ldirildi. Fojea fevral oyining boshlarida sodir bo‘lgan, ammo bu haqda shu kunlarda ma'lum bo‘ldi.

Dzyudo turnirida Sulaymon Tursunboev o‘z raqibi – Turkmaniston Ichki ishlar vazirligining yosh kursantiga taslim bo‘lish taklifini oldi. Sulaymon rad etdi hamda nafaqat shu bellashuvda, balki butun turnirda g‘alaba qozondi.

Shundan so‘ng darhol o‘spirinni noma'lum shaxslar o‘g‘irlab ketishdi. Bola qattiq kaltaklandi va ko‘chada chala o‘lik holda topildi. Yon-atrofdagilar unga tez yordam chaqirishdi. Og‘ir ahvoldagi o‘smir 500 chaqirim masofadagi Ko‘hna Urganch tumani kasalxonasiga yetkazildi va bir necha kundan so‘ng o‘sha yerda o‘ldi.

Taniqli turkman faoli Sulton Ochilova videomurojaat yozib, unda prezident Gurbanguli Berdimuhamedovni aybdorlarni topish va jazolashga chaqirdi. Ammo bu amalga oshishi ehtimoldan yiroq.

Gap shundaki, Sulaymon jangda yutqazib berishi kerak bo‘lgan sirli kursant joriy prezidentning o‘g‘li Sardor Berdimuhamedovning xotiniga qarindosh bo‘lib chiqdi.

Turkmaniston prezidenti Gurbanguli Berdimuhamedov bir hafta oldin o‘g‘li Sardorni o‘ziga o‘rinbosar va mamlakat Oliy nazorat palatasiga rais etib tayinlagan edi.

O‘ldirilgan Tursunboev Turkmanistonning asosiy yerli aholisi bo‘lgan o‘abeklar vakilidir. Turkmanistondagi o‘zbeklar soni haqida rasmiy ma'lumot yo‘q, ammo ularning soni mamlakat aholisining 10 foizmga yaqin ekani aytiladi. Bu ko‘rsatkich Qirg‘iziston va Tojikistonda 15 foizni tashkil qiladi.

1991 yilda Sovet Ittifoqi qulashi ortidan Turkmanistondagi o‘zbek gazeta-jurnallarini chop qilish to‘xtatilgan¸ maktablarda o‘zbek tilida dars berish bekor qilingan edi. Turkmanistondagi o‘zbeklar vakili «Eltuz» muxbiri bilan suhbatda o‘zlarini kamsitilgan deb bilishini aytgan edi.

Markaziy Osiyodagi aholisi eng ko‘p bo‘lgan O‘zbekiston qo‘shni davlatlardagi birodarlari bilan yaqin aloqa o‘rnatib, ularning tarafini olishi haqidagi xavotirlarga qaramay, rasmiy Toshkent tashqaridagi o‘zbeklar muammolarini inkor etib kelishi kuzatiladi.

Tag‘in o‘qing
13 oktyabr 2023
RT: Do‘st bilan obod uying gar bo‘lsa ul vayrona ham! MS: Isop duz og‘a. Nichiksizla mo‘chchi apika, xo‘jik brrilo. Ëngqi ishlar ...
22 dekabr 2021
Dekabr oyi o‘rtalarida internetda Farg‘ona viloyati tug‘ruqxonasiga kelgan tug‘roq holatidagi ayol propiskasi boshqa joyda bo‘lgani sababli shifokorlar tomonidan qabul ...
9 noyabr 2023
Izboskan tumani Andijon viloyati tarkibida ta'sis etilganiga 97 yil bo‘lgan. Ammo, Eltuz suhbatlashgan izboskanliklar, tuman tarixida biron hokim Serobiddin ...
6 noyabr 2016
O‘zbekiston telekanallari «shukuh» so‘zini yaxshi ko‘radi. «Istiqlol shukuhi», «farovonlik shukuhi», «mustaqillik shukuhi», «baxtiyorlik shukuhi»… Xullas, hamma shukuh bor. Faqat ...
Bloglar
21 aprel 2024
Kartinani kecha uyimga olib keldim. Bir kecha termilib yotmoqchi edim. Lekin imkon bo‘lmadi. Doimgidek hayot ...
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...