Toshpo‘lat-tajang uchun muz saroyi

Shavkat Mirziyoevning tashabbusi bilan Toshkentda Afrosiyob va Beshyog‘och ko‘chalari kesishgan joyda ko‘pfunktsiyali unikal Muz saroyi quriladi.

Xabar qilinishicha, inshootning me'moriy g‘oyasidan «muhabbat, baxt va hurlik ramzi bo‘lgan Humo qushi o‘rin olgan». Saroy 2018 yilning 31 dekabr kuniga qadar ishga tushirilishi mo‘ljallangan.

Rasmiy matbuot bo‘lajak muz saroyining ta'rifini ko‘klarga ko‘tararkan, bu saroy davlat byudjetiga qancha pulga tushishi ma'lum emas.

Umuman, har yili mamlakatda odamlar sovuq kunlarda gaz va elektr energiyasi yo‘qligidan jabr ko‘rayotgan paytda bunday ulkan muz saroyini qurishga ehtiyoj bormi?

Rassom Tuz o‘z rasmi orqali O‘zbekistondagi ayni vaziyatni shunday talqin qiladi:

Mirzieev: «Men dunyoda tengi bo‘lmagan muz qasri qurib beraman!»
Mamarayim: «Uyimdagi batareyalar muzlab yotibdiyu…»
Oysha xola: «Bundan ko‘ra, gazni ko‘paytirsa bo‘lmaydimi? Svetni o‘chirmasang o‘zimiz «figurali uchish» qilamiz».

Rassom Tuz
Eltuz.com