Terimchilar paxtaga endi poezdlarda tashilmoqda

Bu yil terimga O‘qituvchi va shifokorlar poezdlarda safarbar qilinmoqda.

Andijon, Namangan, Farg‘ona viloyatlaridan minglab terimchilar mingan poezdlar Qoraqalpog‘iston va Toshkentga yo‘l oldi.

Surxondaryodan esa Jizzax va Xorazmga «uyushmagan aholi» tarkibidagi terimchilar poezdi jo‘natildi.

Bu voqealar hukumatning majburiy paxta terimini tugatish haqidagi qaroridan so‘ng ro‘y bermoqda.

O‘zbek matbuotining bildirishicha, tunda ular yig‘ilish o‘tkazib talabalarni qaytarishga buyruq berishgan

O‘zbek matbuoti 21 sentyabr kechasi Bosh vazir Abdulla Oripov majlis o‘tkazib, talabalar,  o‘qituvchilar va shifokorlarni paxtadan qaytarishga buyruq bergani haqida yozgan edi.

Majburiy mehnatni tugatish haqidagi bu gaplar yana qog‘ozda qoldi.

Ijtimoiy tarmoqda, yaqin kelajakda har bir dala boshiga temir yo‘l keltirishi haqidagi kinoyali pisandalar tarqaldi.

Qadimdan qolgan eski paravoz haqidagi hazilomuz she'rlar to‘qilmoqda.

Qadimdan qolgan
Bizning parovoz
Paxtazor sari
Aylaydi parvoz.

Paxta terishdan
yo‘q boshqa taqdir,
Bu yurtda faqat
yurtboshi haqdir.

Kuylar «Fidoiy
yoshlar» xushovoz.
Temir yo‘l uzra
Eski parovoz.

Orqada xokim,
Qo‘lida kaltak,
Tirishar tokim,
Bo‘yinda etak,
u so‘nggi bekat –
Buyuk kelajak…

Doktor kerakmas,
Muhandislar ham.
Maktablar yopiq,
Zavodlar barham.

Boshqa yo‘ling yo‘q,
Dalalarga yur…
Yurtboshing bilan
Parovozni sur.

Rassom Tuz
Eltuz.com