Vaqt mashinasi
21 fevral 2024

O‘zbekistonni boshqargan rahbar Rossiyada o‘ldi

Rossiyaning Voronej shahrida siyosiy arbob Vladimir Anishchev 2018 yilning 21 fevral kuni 82 yoshida o‘ldi.

Anishchev 1991 yilgacha O‘zbekistonning asosiy rahbarlaridan biri bo‘lgan edi.

O‘zbekiston Kompartiyasi ikkinchi kotibi bo‘lgan Vladimir Anishchev “o‘zbeklar ishi” deb atalgan ma'raka paytida Kremldan yuborilgan “desant” rahbari o‘laroq, mamlakatda total nazorat o‘rnatgan edi.

Anishchev 1985 yildan 1991 yilgacha O‘zbekiston SSR Kompartiyasi ikkinchi kotibi bo‘lib ishlagan davr mahalliy kadrlarga ishonchsizlik, “qama-qama” davri sifatida tarixga kirdi.

Aynan Anishchev rahbarlik qilgan davrda milliy o‘zlik nishonalari “yot unsur” deya chekkalangan edi, deb eslaydi kinotasvirchi Abdulaziz Mahmudov.

«U pora berishga majburlaganlarni tasvirga olganman. Moskva “desanti” tarkibida kelgan amaldorlar va ularning sardori Anishchev bizning mahalliy poraxo‘rlardan hech yeri kam emasdi. Bizniki singari yirtqich edi u. Anishchevning roli Moskva «desanti»ning g‘oyaviy rahbarligi edi. O‘zbekistonni «Churkestan» degan ham shu kishi bo‘ladi. Anishchev 1990 yilda O‘zbekiston mustaqilligi deklaratsiyasiga tish-tirnog‘i bilan qarshi bo‘lgan rus shovinisti edi», deydi Mahmudov.

Mahmudovning aytishicha, “O‘zbekistonni aynan Moskvaning qo‘li bo‘lgan ikkinchi kotiblar boshqargan. Anishchev Moskvaning “Kreml ishonchini yo‘qotgan” O‘zbekistonga qo‘yilgan odami edi va uning iznisiz O‘zbekistonning birinchi rahbari, masalan, Islom Karimov hech narsa qila olmagan”.

«Desant» mansabdor shaxslar qatag‘on qilinganidan keyin bo‘shliqni to‘ldirish uchun kelgan edi.

«Gdlyan va Ivanov aybdor degan fikr O‘zbekistonning oliy elitasi manfaatlariga tegilganidan keyin yaraldi… Karimov iqtidoridagi yigirma yetti yilning bari o‘zbeklar ishining davomi bo‘ldi. Qatag‘onlar va pripiska qilingan dalalarda qullarsa mehnat…

Xotiramdan adashmasam, bu aynan Anishchev va Usmonxo‘jaev davrida boshlangan edi.

Ommaviy repressiyalar Anishchevning ishtirokisiz yuz bermagan bo‘lardi… Nazarimda Usmonxo‘jaev qo‘rqoq va munofiq odam edi. Shu bois, repressiyalar bilan aynan Anishchev shug‘ullangan, Usmonxo‘jaev esa faqat qog‘ozlarni imzolagan bo‘lsa kerak», deydi Mahmudov.

O‘zbekiston mustaqil bo‘lganidan keyin Anishchev Rossiyaga qaytib kelib, Voronej viloyati ma'muriyatida faoliyat ko‘rsatdi. O‘zbekistonda ishlagan davrini eslab, «Vostochnыy ornament» degan kitobni chop qilib, Rossiya yozuvchilar uyushmasiga a'zo ham bo‘ldi.

Sovet O‘zbekistoni rahbarlaridan biri bo‘lgan bu odam umrining oxirida Voronejdagi qo‘g‘irchoq teatrining vasiylar kengashi rahbari sifatida ishladi.

Eltuz.com

Tag‘in o‘qing
6 noyabr 2017
O‘zbekiston Bosh prokuraturasidagi ishonchli manbaning bildirishicha, yaqinda Toshkent viloyati prokuraturasi viloyat ichki ishlar boshqarmasi xodimlari tomonidan Yangiyo‘l tumanida yashovchi ...
1 iyun 2018
Shved sudi 31 may kuni terror hujumi tayyorlashda gumon qilingan yana bir o‘zbekni hibsga olish haqida qaror chiqardi. Stokgolmning ...
5 noyabr 2023
Andijon viloyatidagi Muruvvat uyida tarbiyalanayotgan bolalarning kaltaklanganligi yuzasidan surishtiruv boshlandi. 4 noyabr kuni Eltuzning telegram kanalida Qo‘rg‘ontepadagi Muruvvat uyida ...
17 fevral 2024
Anjanliklar uyni «eshik» deydi.  O‘lib ketgan O‘zbekiston prezidenti  Karimovning qizi Lola Karimova-Tillaeva egalik qilgan Beverli Hillzdagi hovlini «eshik» emas «qasr» desak ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...