Асосий мавзулар
29 июл 2019

Уйи бузилган урганчлик намойишчилар талаби қондирилди

Урганч шаҳрининг Ашхобод маҳалласидаги уйлари бузилган ва товон пули берилмаганидан ғазабга тўлган халқ ғалаён кўтарди.

Пойтахтдан зудлик билан етиб келган бош вазир Абдулла Арипов кўчага чиққан юзлаб фуқаролар билан учрашди ва белгиланган товон пуллари тўлиқ берилишини ваъда қилди.

“Элтуз” суҳбатлашган воқеа гувоҳларига кўра, бузилган уйлари учун товон пулини бир ярим ой кутган одамлар 27 июлга ўтар кечаси Урганч-Хонқа магистрал йўлини тўсиб қўйишган.

Ундан аввалроқ вилоят ҳокими Фарҳод Эрманов уйи бузилганлар яшаётган чодирларни келиб кўрган ва ўзининг ташрифи учун тайёрлаб қўйилган намунали чодирнинг ичига кирган. Бундан ғазабланган халқ ичида ҳоким бўлган чодирни бузиб, ҳокимнинг устига ағдаришган.

Ҳоким у ердан қочиб кетгач, миллий гвардия ва ички ишлар ходимлари норози фуқароларни қуршовга олган. Вилоят ҳокими Фарҳод Эрмонов уйи бузилганларга тўланадиган товон пулининг 50 фоизи уч кун ичида, колган 50 фоизи 10 августгача берилиши ҳақида ваъда бериб, уйи бузилганлар бепул қум ва шағал билан таъминланиши, қолган курилиш материаллари эса 10 фоиз арзонлаштирилган нархда сотилишини айтган эди.

Ҳокимнинг ваъдасида турмагани устига қурилиш материаллари нархларининг кескин ошиб кетиши шаҳар марказидаги уйлари бузиб ташланиб, ўзлари Урганч туманичеккасидаги Чондирқиёт қишлоғидан ажратилган ер майдонига қувилган одамларнинг норозилигини келтириб чиқарган.

27 июль куни Хоразмга етиб келган бош вазир Абдулла Орипов норозилар билан учрашиб, эрталабгача ҳамманинг ҳисоб рақамига товон пули 100 фоиз тушишини, бир фоиз ҳам ушлаб қолинмаслигини ваъда қилган.

Eltuz.com

Тағин ўқинг
25 апрел 2018
«Чегара билмас мухбирлар» (RSF) ташкилоти 25 апрель куни эълон қилган 2018 йилги матбуот эркинлиги индексида Ўзбекистон ўтган йилги 169-ўриндан ...
28 апрел 2021
Рассом Элсевар
30 ноябр 2020
«Элтуз”га яқин ва бир-биридан мустақил манбаларнинг хабар беришича, келаётган декабрь ойида Ўзбекистоннинг кучишлатар тизимларида раҳбарлар алмашинуви кутилмоқда. “Вазирларни алмаштириш ...
7 апрел 2021
Сезган бўлсангиз, расмий истеъмолга Каримов давридан қолиб кетган «маънавият ва маърифат» мафкураси қайтди. Қайтиши ҳам муқаррар эди, чунки ислоҳотларни, ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...