Асосий мавзулар
31 май 2023

Бахти Ташкентский Мурод Билдингни огоҳлантирди: Сакрамай, жим юр!

29 май куни Тошкентдаги Grand Mir меҳмонхонасида Ўзбекистон “жиноят олами” вакилларининг “сходка”си бўлиб ўтди.

Ўзбекистондаги ягона “вор в законе” Бахтиёр Қудратуллаев (Бахти Ташкентский) ташаббуси билан ўтказилган бу “сходка” соат эрталабки 2 дан 4 гача давом этди ва унда Ўзбекистоннинг турли минтақаларидан келган 100 га яқин “жиноят олами” вакиллари иштирок этди.  

Элтузнинг Ички ишлар вазирлигидаги манбасига кўра, 60 нафарга яқин “авторитет” меҳмонхона ичкарисига кирган бўлса, 40 га яқин спортчи меҳмонхона атрофини ўраб туришди.

Меҳмонхона холида Бахти Ташкентский раислик қилган “сходка” меҳмонхона кузатув камераларига ёзиб олинган.

“Cходка”да Андижондан Ҳусан “Эпчил”, Марғилондан Мансур Маргиланский, Янгибозордан  Шукур Янгибазарскийлар ҳам қатнашган, унга онлайн тарзда Туркиядан Равшан Золотой ҳам қўшилган.

Икки соат давом этган “сходка” сўнгида “жиноят олами”га Бахти Ташкентский “прогон”и (жиноят олами вакиллари учун очиқ топшириқ) тарқалган.

Прогонда 51 яшар Бахти Ташкентский “ўғрилар учун муқаддас ҳисобланган илк қонун” – сиёсатга аралашмаслик эканини айтган ва жиноят олами вакилларидан ушбу қонунга риоя этишни талаб қилган. У  орган ходимлари билан ҳамкорлик қилаётган “блатнойларни”ни аниқлаб, жазолаши ҳақида огоҳлантирган. 

“Бизнинг қонунларимизда номер один – не лезть в политику –  сиёсатга аралашмасли, политика  – это гряз!” – деб айтган Бахти Ташкентский.

Бахти Ташкентский жиноят оламига алоқаси бўлмаган бизнесменларни, агар улар “жиноят олами қонунлари” билан иш тутишга уринса оқибатлари яхши бўлмаслигидан огоҳлантирган.

Бахти Ташкентский “кўча”да Мурод Билдинг (Мурод Назаров) Бахтидан рухсатсиз ўзидан “кўчинский” ясаб олган спортсменларга мурожаат қилгани, интернетда Бахти Ташкентскийнинг номини “обизличит” қилишга урингани, ва яна бизнесменлар орасида Мурод Билдингнинг партия очиш мақсади борасида гап сўзлар юрганига тўхталган.

Бахти Ташкентский жумладан шундай деган: “Ман Билдинг билан шахсан танишмасман, нима деб интерда мутить қилвотти?! Сакрамай, жим юрсин! Унга ва бошқа чала спортсменлар ва бошқа система кўрган бизнесменларга айтиб қўйларинг, мазасини қочираман, шахсан ўзим сўраб оламан”.

У бу топшириқни бажаришни Шукур Янгибазарский зиммасига юклаган.

“Сходка”да Туркиядан онлайн қатнашган Равшан Золотой Бахти Ташкентский “прогони”га икки кун ичида Туркия, Россия ва бошқа давлатдаги ўзбек авторететлари билан маслаҳатлашиб жавоб беришини айтган. 

Маълумот ўрнида: Тошкентлик «вор в законе» 51 яшар Бахтиёр Қудратуллаев  Бахти Ташкентский 26 ëшида “вор в законе” тожини кийган Ўзбекистондаги ягона криминал авторитет ҳисобланади.

40 яшар Мурод Назаров Ўзбекистондаги энг йирик қурилиш ширкатларидан бири – “Murad Building” асосчиси ва раҳбаридир. 

Азиз Элтуз обуначилари ва каналимиз меҳмонлари, эслатиб ўтамиз, Ўзбекистон криминал олами ғоялари ва иддаолари айни пайтда Элтуз нуқтаи назарини асло ифодаламайди. Юқорида билдирилган фикрлар юзасидан сиз ҳам изоҳ қолдиришингиз мумкин. Каналимизга обуна бўлинг Лайк сиздан –  хизмат биздан!

Тағин ўқинг
29 сентябр 2023
РТ: Яшаш соатининг олтин капгири  Ҳар бориб келиши бир олам замон.  Коинот шу дамда ўз куррасидан  Ясаб чиқа олур ...
2 март 2017
28-февралдан 2-мартгача Истанбулда бўлган Бош вазир ўринбосари Рустам Азимов бошчилигидаги ўзбек делегацияси Туркия ва Ўзбекистон ўртасида сармоялар ётқизилишини ваъда ...
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 февраль портлашлари ёритилган мақолаларга асосланган. Каримов режими мухолифи ...
27 март 2019
27 март куни ўзбекистонлик аралаш жанглар устаси Мурод Хонтўраев учинчи бор пичоқланди. Спортчининг жароҳати жиддий эмаслиги билдирилди. Хонтўраев дастлаб ...
Блоглар
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...
30 апрел 2024
1990 йилнинг 30 апрелида мустақил Ўзбекистон тарихидаги илк демократик партия – «Эрк»нинг таъсис қурултойи бўлиб ...