Асосий мавзулар
28 феврал 2018

Иноятовларнинг Санкт-Петербургда қанча мол-мулки бор?

Ўзбекистон Миллий хавфсизлик хизмати собиқ раиси, қўли узун Рустам Иноятовнинг ўғлига тегишли кўчмас мулклар ҳақида Open Source Investigations (OSI) онлайн нашри журналистлари навбатдаги суриштирувни эълон қилди.

2017 йилнинг сентябрида ҳуқуқ ҳимояси ташкилотлари МХХ раиси Рустам Иноятовга молиявий санкциялар ва виза чекловлари қўллашни сўраб АҚШ ҳукуматига мурожаат қилишган эди. 2018 йилнинг 31 январига келиб эса Иноятов ишдан бўшатилди.

Бироқ бундан унинг бизнес салтанатига деярли путур етмади.

Қудратли отанинг бой ўғли

Open Source Investigations (OSI) журналистлари суриштирувига кўра, Рустам Иноятовнинг ўғли ва яқин оила аъзолари бутун дунё бўйлаб қимматбаҳо кўчмас мулкларга эга ва улар турли ширкатларга молия ётқизишган.

Тошкент давлат шарқшунослик институтини битирган Шариф Иноятов МХХ генерали Рустам Иноятовнинг ўғлидир. У иқтисод фанлари бўйича таълимни ҳорижда, жумладан, Қоҳиранинг Ал-Азҳар университетида олди.

Бундан ташқари, у отаси билан Миллий хавфсизлик хизматини оилавий бизнесга айлантирди, дея ёзади халқаро журналистлар гуруҳи.

«Элтуз» нашри гуруҳ суриштирувига таяниб, Шариф Иноятовнинг Австрияга мўмайгина маблағ киритгани, Венада кўп миллионли қасрга эга бўлгани, шунингдек, Россияга Ўзбекистондан мева-сабзавот етказиб беришга ихтисослашган Uzgardens ширкатига эгалик қилиши ҳақида ёзган эди.

Иноятовлар оиласининг Россиядаги бизнес манфаатлари эса кенг миқёсли ва жуда кўп соҳани қамрайди.

Иноятовларнинг Нева хиёбонидаги офиси

2014 йилнинг 13 апрелида Шариф Иноятов ва унинг икки иш ҳамкори Санкт-Петербургда «Нева Альянс Групп» (Neva Alyans Grupp) масъулияти чекланган ширкатини ташкил қилишади.

Рустам Иноятовнинг ўғли ширкатнинг 50 фоиз, унинг ҳамкорлари Равшан Убайдуллаев ва Бахтиёр Фозилов эса 25 фоиздан улушга эгалик қилишади.

Асосий фаолияти кўчмас мулк сармояларига эгалик қилиш ва бошқариш бўлган «Нева Альянс Групп»нинг устав жамғармаси 7 миллион долларга тенг. Биргина Шариф Иноятовнинг ўзи ширкатга 3,5 миллион АҚШ доллари миқдорида сармоя киритган.

Ширкат офиси Санкт-Петербург шаҳрининг тарихий марказида, Нева проспекти, 104 А манзилда жойлашган. Санкт-Петербургнинг бош хиёбони бўлган Нева проспекти Россиянинг энг машҳур бульварларидан биридир.

«Mеткем» – яна бир йирик ширкат

Шариф Иноятов назоратидаги яна бир ширкат – «Меткем» (Metkem) компанияси ҳам ўша манзилда жойлашган ва у тўлиғича «Нева Альянс Групп»га тегишлидир.

«Меткем» ширкати устав капитали ҳам 7 миллион АҚШ доллари миқдорида бўлиб, у Санкт-Петербургдаги йирик қурилиш ширкатидир.

Рустам Иноятов ортиқ Ўзбекистон Миллий хавфсизлик хизмати раҳбари ҳисобланмайди. Бироқ унинг кенг миқёсдаги иттифоқчилари тармоғи ва сўнгги 23 йил давомида қурган бизнес империяси деярли тегилмасдан турибди.

Eltuz.com

Тағин ўқинг
18 май 2017
Ўзбек матбуоти президент Мирзиёевнинг товуқ ва тухум сиёсатини улуғлашда давом этмоқда. Ҳусусан «Миллий тикланиш» газетаси (17.05) Тошлоқдаги деҳқон хўжалиги ...
1 октябр 2018
Сенат раиси Ниғматулла Йўлдошев парламент юқори палатасининг 27 сентябрь кунги йиғилишида вазирликлар Сенатга беписанд қараётганини билдирди. Адолат нуқтаи назаридан ...
15 март 2017
Ўзбекистон калимасини тарихга киргизиб, бу давлатнинг илк рахбари бўлган Хўжаев сиймосининг тарихдан ўчиришга уриниш кейинги йилларда изчил тус олгани ...
24 март 2017
24 март куни таниқли ҳуқуқ ҳимоячиси Елена Урлаева Тошкент шаҳар руҳий шифохонасидан озод этилди. У мажбурий даволанишда 23 кун ...
Блоглар
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...
13 декабр 2018
Шу кунларда кўплаб нашрлар Гулнора Каримованинг Ўзбекистон ҳукуматини моддий қўллаб-қувватлаш ниятида экани ҳақида ёзишди.   Жамиятдан ...
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...