Асосий мавзулар
19 октябр 2017

«Қўрқмаслар»ни тағин ечинтириб тинтув қилишди

15 октябр куни Самарқандда «Қўрқмаслар» гуруҳини тамсил қилувчи фаоллар – Малохат Эшонқулова ва Елена Урлаева ички ишлар ходимлари томонидан ушланди.

«Элтуз» нашрига интервью берган Эшонқулова, улар Самарқандга тиббиёт ҳодимларини пахта теримига мажбурлаш ҳолатини ўрганиш учун боришганини айтди.

Рассом Туз. 2015 йил, Елена ва Малоҳатнинг ушланиши

Улар шунингдек, пахта жанжали туфайли ўлган 52 ёшли тиббиёт ҳодими Фаҳриддин Саидов ишини ўрганишган.

Ургут ва Пастдарғом туманига тиббиёт ходимлари олиб кетилаётган автобус колонналарини тасвирга олишган.

Ҳибсга олинган фаоллар, Пастдарғом тумани ИИБда 5 соатдан ортиқ ушланишган.

Уларни ҳақоратли тарзда ечинтириб, тинтув қилишган.

Урлаеванинг дори таъсирида қон босими ошиб у хушидан кетган.

Тинтув пайти, шунингдек, унинг флеш-карди олиб қўйилган.

Флешкартада Самарқанд тиббиёт ҳодимларининг мажбурий тарзда пахтага жалб қилингани ҳақидаги тасвирлар бор эди.

Бу материалларни фаоллар кун бўйи йиғишган эди.

«Қўлга тушавериб, эҳтиёт чорасини кўриб қўйганим учун, меникини топа олишмади», деди Малохат Эшонқулова «Элтуз» мухбирига.

Урлаева ва Эшонқуловани айни фаолиятлари боис, милиция ходимлари ҳар йили пахта мавсумида ушлашади.

2016 йилги пахта мавсумида Бухорода, 2015 йилнинг октябрида эса Хоразмда маҳаллий милиция ходимлари, мажбурий меҳнат фактлари тўпланган флешкани қидириб, фаолларни айни таҳқирли тарзда ечинтириб тинтув қилишганди.

Eltuz.com

Тағин ўқинг
5 апрел 2017
Москвага давлат ташрифи билан борган Мирзиёевни аэропортда мамлакат президенти эмас, балки жинси ва драп камзул кийган, жамоатчиликка нотаниш бўлган ...
14 апрел 2017
Ўзбекистон матбуоти, илк бор мижозларнинг мобил операторларга қарамлиги масаласини кўтарди. Ўзбекистонда мобил алоқанинг қимматлиги, операторлар хизмати сифати пастлигидан шикоят ...
7 январ 2016
Боз устига электр токи ва газ таъминотидаги узилишлар боис шифохоналардаги аҳвол оғирлашиб бораётгани тилга олинмоқда. Рассом Элсевар ўзбек касалхоналаридаги ...
9 август 2017
Навбатдаги карикатурада 2015 йилнинг откябридаги воқеа акс этган. Ўшанда Элтуз нашри Бухорода илгари фоҳишалик қилгани боис жаримага тортилган аëлларни ...
Блоглар
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...
3 декабр 2018
Мана бу расмларда кўриб турганингиз Суриянинг Идлиб ёхуд Ҳалаб шаҳарларидаги биноларнинг эмас, Ўзбекистон Республикаси Навойи ...
3 декабр 2018
“Ўз газингни ўзгага бериб, таппи ёққан ўзбегим”, дея совет даврини ёмонлаган халқимиз ўзининг замонавий тарихида ...